Maluko 1:22 - Biblia Kikutu

²² Wanhu wamuhulike wakanganya mafundizo gake, kwavija hafundize kamba wafundiza Malagizo ga Musa, ila kafundiza kwa udahi.

Maluko 1:22 ပူးပေါင်းရင်းမြစ်များ

Matayo 13:54

na kachola ukae kumwake. Kafundiza mna izing'anda za kumpula Imulungu, na waja wamuhulike wakanganya. Waiuza, “Kazipata kwahi nzewele zino? Kaupata kwahi udahi wa kutenda unzonza uno?

Maluko 1:23

Abaho munhu yakalile na kinyamkela kengila mng'anda ya kumpula Imulungu, kaguta,

Luka 2:47

Wanhu wose wamuhulike wakanganya nzewele zake na vija viyawedike.

Luka 21:15

kwavija niye nowagwaa ubala na mbuli za kulonga. Kuduhu munhu mna iwanhu wamwihileni yodaha kuwahuma hebu kulema chonda mulonge.

Luka 4:32

Mafundizo gake gawakanganya wanhu wose, kwavija kakala kolonga kwa udahi.

Yohana 7:46

Wakalizi wawedika, “Kuduhu munhu yolonga kamba munhu ayo!”

Sang'hano 6:10

Lakini Loho Yang'alile kamgwaa nzewele Sitefano viyakalile kolonga, mbaka walemelwa kumuhuma.

2 Wakolinto 4:2

Tuzileka mbuli zose zigela kinyala na za kinyelegezi, hatulonga mbuli za uvizi hebu kuilonga vihile mbuli ya Imulungu. Lakini kwa kulonga ukweli mgameso ga Imulungu, ili wayagwe watugese mmizoyo yao kamba totamaniligwa.