Luka 8:38 - Biblia Kikutu

³⁸ Munhu ija yalavigwe vinyamkela kampula Yesu wachole wose. Lakini Yesu hamtogolele, kamulongela,

Luka 8:38 ပူးပေါင်းရင်းမြစ်များ

Zabuli 116:12

Nimbwezele choni Mndewa Imulungu, kwa ganogile gose gayanhendele?

Zabuli 116:16

Go Mndewa Imulungu, niye na msang'hanaji wako, niye msang'hanaji wako, mwana wa mtumwa wako, kunifungula nzabi.

Zabuli 27:4

Mbuli imoja nimpula Mndewa Imulungu, na mbuli ayo noilonda ng'hani, nikale mng'anda ya Mndewa Imulungu, siku zose za ugima wangu, nilole ukunoga kwa Mndewa Imulungu, na nizahile ulongozi wake mng'anda yake.

Zabuli 32:7

Gweye ayo hanhu hangu ha kuifisila, gweye konikaliza mmagazo. Kunigubika kwa nyila za ukombola.

Matayo 4:24

Mbuli zake zenela mwiisi yose ya Siliya, avo wanhu wamgalila wanhu wose wakalile watamu, waja odununzika na kila utamu, weli na vinyamkela, na visango na waja waholole na Yesu kawahonya wose.

Luka 8:28

Viyamone Yesu, kaibwanha mmagulu ga Yesu, kaguta mizangi yolonga, “Gweye Yesu! Mwana wa Imulungu yeli Uchanha Ng'hani! Kolonda kunitenda choni? Nokupula, sikuunidununze!”

Luka 8:37

Abaho wanhu wose wa isi ija ya Wagelasi wampula Yesu yalawanye, kwavija wakala wadumbile ng'hani. Avo Yesu kakwela mwiingalawa na kulawanya.

Luka 8:39

“Bwela ukae kumwako ukawalongele wanhu gose gayakutendele Imulungu.” Avo munhu ija kachola kila hanhu kudibuga dija, kawapetela wanhu mbuli zose ziyatendeligwe na Yesu.

Wafilipi 1:23

Miyenu na mnzila mhanda. Kuno nolonda kusegela na kukala na Kilisito, mbuli ayo ibanza kunoga,