Luka 8:15 - Biblia Kikutu

¹⁵ Lakini mbeyu zilagalile hali na udongo unogile zolagusa wanhu waja iwohulika mbuli ya Imulungu na kuika mmizoyo yao na kuitogola, ofunga umoyo mbaka olela matunda.

Luka 8:15 ပူးပေါင်းရင်းမြစ်များ

Zabuli 119:11

Mmoyo wangu niika mbuli yako, ili sikunikutende nzambi.

Zabuli 51:10

Gweye Imulungu unilumbile moyo ung'alile, uilumbe kabili loho itindiwale mgati mmwangu.

Nongezi 3:1

Mwanangu, sikuugasemwe mafundizo gangu, kwa moyo wako ugagoge malagizo gangu.

Matayo 24:13

lakini munhu yonda yafunge umoyo mbaka kukimambukizo kokomboligwa.

Luka 11:28

Lakini Yesu kamwidika, “Wamweda ng'hani wanhu wose ohulika mbuli ya Imulungu na kuigoga!”

Luka 6:45

Munhu yanogile kolava ganogile mwiingama yake inogile ili muumoyo wake, lakini munhu yehile kolava gehile mwiingama yake ihile ili muumoyo wake. Kwavija munhu kolonga gaja gamemile muumoyo wake.

Luka 8:14

Mbeyu zilagalile mvisolo va miba zolagusa wanhu waja ohulika mbuli ya Imulungu, lakini viwogendelela, Mbuli ayo yozongigwa zongigwa na magayo, na utajili, na kudeng'helela vinhu va mwiisi. Wanhu awo hawalela bule matunda gonda gakangale.

Luka 8:16

“Wanhu hawabwinha taa na kuigubika na kikalango hebu kuika muuvungu wa lusazi. Lakini oika hana ikingolobweda, ili wanhu viwokwingila wone mulenge.

Yohana 14:15

“Mwahaninogela, mogagoga malagizo gangu.

Yohana 15:10

Mwahagagoga malagizo gangu, mokala muunogelwa wangu kamba vija niye vinigagogile malagizo ga Tatangu na kukala muunogelwa wake.

Walumi 2:7

Wanhu wayagwe ogendelela kutenda ganogile kuno olonda ukulu kwa Imulungu na kutogoligwa na Imulungu na kuleka kufa. Wanhu awo Imulungu kowagwaa ugima wa milele.

Walumi 6:22

Lakini mulekesigwa mzinzambi na mwa watumwa wa Imulungu. Sambi mumweda kwa kupata kung'ala, na kung'ala kuno kogala ugima ulibule uhelelo.

Walumi 7:18

Nojuwa kuwa kuduhu dinogile dikala mgati mmwangu muunhu wangu. Kwavija nolonda kutenda ganogile, lakini sidaha bule kutenda.

Walumi 7:4

Avo ndugu zangu, mweye vivija mufa na hamulongozigwa kabili na Malagizo, kwavija muilumba na lukuli lwa Kilisito, sambi mwa wanhu zake heyo yazilibuke kwa wafile, ili tusang'hane ganogile kwa Imulungu.

Walumi 8:25

Lakini kamba totamanila kija tung'hali hatunachona, tokibeta kwa kufunga umoyo.

1 Wakolinto 7:19

Kwavija kwingila kumbi hebu kuleka kwingila kumbi siyo kinhu, kilondigwa ni kugagoga malagizo ga Imulungu.

Waefeso 2:8

Kubitila ng'hekewa ya Imulungu mukomboligwa kwa kumtamanila. Mbuli ino hailawilile kwa udahi wenu, lakini ilawilila kwa nhunza ya Imulungu,

Kumbukumbu 30:6

Mndewa Imulungu, Imulungu wenu koikosha mizoyo yenu na mizoyo ya ulelo wenu, ili mumnogele Mndewa Imulungu, Imulungu wenu kwa mizoyo yenu yose na kwa loho zenu zose avo muwe wagima.

Wafilipi 1:11

Baho mutende mbuli zinogile mgameso ga Imulungu, mbuli azo zolawa kwa Yesu Kilisito yaiyeka, ili wanhu wose wamgwee Imulungu ukulu na nhogolwa.

Wakolosai 1:10

Na tompula Imulungu ili mukale viyolonda Mndewa na mumnogeze, muugima wenu mutende ganogile, mugendelele kumjuwa Imulungu.

Wakolosai 1:6

Mbuli ino Inogile yokwenela mwiisi yose na yowagalusa wanhu watende ganogile, kamba viitendile kumwenu toka siku dija vimuihulike na kuujuwa ukweli wa ng'hekewa ya Imulungu.

Waebulania 10:36

Molondigwa kufunga moyo ili mwahamambukiza kutenda goyolonda Imulungu, mubokele kija kiyalongile.

Waebulania 2:1

Lekaavo tolondigwa kugagoga goya gatuhulike, ili sikutusonge mholemhole kuleka kutamanila.

Yakobo 1:4

Loleni, kufunga umoyo kwenu kuwagangamize mbaka kuuhelelo, ili mukangale na mutelele, bila kuhungukilwa na kinhu chochose.

1 Yohana 2:3

Twahagagoga malagizo ga Imulungu, baho todaha kulonga kamba tumjuwa.