Luka 6:8 - Biblia Kikutu

⁸ Lakini Yesu kawajuwa viwagesile, kamulongela munhu ija yaholole mkono, “Ima wize hano haulongozi.” Munhu ija kenuka na kwima hagati.

Luka 6:8 ပူးပေါင်းရင်းမြစ်များ

Zabuli 44:21

vino Imulungu sambi yajuwe? Kwavija heyo ayo yagajuwile magesa ga kinyelegezi geli mmoyo.

Matayo 9:4

Yesu kajuwa viwagesile, avo kawalongela, “Habali mogesa gehile mna imizoyo yenu?

Maluko 3:3

Yesu kamulongela munhu ayo yaholole mkono, “Ima hano kuulongozi.”

Luka 13:12

Yesu viyamone, kamkema, kamulongela, “Mama, kuhonyigwa utamu wako!”

Luka 5:22

Yesu kajuwa viwagesile, avo kawalongela, “Habali mogesa avo?

Luka 6:9

Abaho Yesu kawalongela, “Nowauza, vino Malagizo getu gotulonda tutende choni mwiisiku ya Kubwihila? Kutenda ganogile hebu kutenda gehile? Kuhonya ugima wa munhu hebu kuukoma?”

Yohana 2:25

Halondile munhu yoyose yamulongele mbuli za wanhu awo, kwavija heyo mwenyego kagajuwa gaja gakalile mmizoyo yao.

Yohana 21:17

Mwanza wa kadatu Yesu kamuuza, “Simoni mwanage Yohana, gweye koninogela?” Petulo kona usungu kwavija Yesu kamuuza mwanza wa kadatu, “Koninogela?” Avo kamulongela, “Mndewa, gweye kojuwa kila kinhu, kojuwa niye nokunogela!” Yesu kamulongela, “Wadime ng'hondolo zangu.

Yohana 9:4

Kwavija ing'hali imisi, tolondigwa tusang'hane sang'hano ya ija yanhumile. Ikilo yovika, baho kuduhu munhu yodaha kusang'hana.

Sang'hano 20:24

Lakini siutonga ugima wangu kamba kinhu, nogesa kuumambukiza utumigwa na sang'hano iyanigwelele Mndewa Yesu kuisang'hana, nayo iyo kuwapetela wanhu Mbuli Inogile ya ng'hekewa ya Imulungu.”

Sang'hano 26:26

Mndewa Agilipa! Kumwako nolonga bila kudumba kwavija mbuli zino zose kuzijuwa goya. Vinigesa mbuli zino kuzijuwa goya kwavija hazitendeke kinyelegezi.

Wafilipi 1:28

Avo sikumuwadumbe wanhu owehila, siku zose muwe magalu na ino yolagusa kumwao awo opotela na mweye mokomboligwa, kwavija mbuli ayo yolawa kwa Imulungu.

Waebulania 4:13

Kuduhu kinhu chochose kifisigwe mgameso ga Imulungu. Kila kinhu kigubuligwa na koneka mgameso gake. Kumwake heyo tolondigwa kumulongela sang'hano zetu.

1 Petulo 4:1

Kwavija Kilisito kagaya mulukuli lwake, na mweye vivija muitande kwa mbuli ayo, kwavija munhu yagaiye mulukuli lwake kamduhu mzinzambi.

Ugubulo 2:23

Vivija nowakoma wanhu omkweleleza, abaho vibumbila vose va wanhu onhogola vojuwa kamba nene heyo nilola goya goyogesa na goyolonda kila munhu. Nomuliha kila imoja wenu kamba vimsang'hane.