Luka 6:49 - Biblia Kikutu

⁴⁹ Lakini munhu yoyose yotegeleza mbuli zangu na kolema kuzigoga, kaigala na munhu yazengile ng'anda yake bila kuhimba chandusilo. Mvula ng'hulu viitowile, mazi gaitowa ng'anda ija, nayo igwa na kubanangika!”

Luka 6:49 ပူးပေါင်းရင်းမြစ်များ

Nongezi 28:18

Munhu yotembela mwiinzila igoloke kokomboligwa, lakini munhu yotembela mwiinzila ihile kogwa.

Matayo 23:3

Avo gogeni na mtende gaja gose gonda wawalongeleni, lakini sikumutende gaja gowotenda hewo, kwavija hawatenda gaja gowopetela wanhu.

Matayo 24:10

Kipindi acho wanhu wengi oleka kutamanila kwao, oihinduka na oihila,

Maluko 4:17

lakini kwavija wabule mizizi mgati mmwao, okala kipindi kidodo. Wahagaya na kudununzika mbuli ya usenga awo, obwela kuchugu.

Luka 12:47

“Msang'hanaji ija yajuwile kija kiyolonda mkulu wake yakisang'hane, lakini hakisang'hana bule msang'hanaji ayo kotowigwa ng'hani.

Luka 19:14

Lakini wanhu wa isi yake wakala wamwihile. Avo wawatuma wasenga wagende kwa wanhu waja wakalonge, ‘Hatumulonda munhu ino yawe mndewa wetu.’

Luka 19:27

Na sambi, waja wanihile, ondema niye niwe mndewa wao, wagaleni hano, muwakome bahano mgameso gangu!’ ”

Luka 6:46

“Habali monikema, ‘Mndewa, Mndewa,’ kuno hamugatenda gaja goniwalongela?

Luka 6:48

Kaigala na munhu yozenga ng'anda yake yahimbile hasi ng'hani, keka chandusilo chake mdibwe. Mvula ng'hulu viitowile, mazi gaitowa ing'anda, lakini hagadahile kuitigisa kwavija ikala izengigwe goya.

Luka 7:1

Yesu viyamambukize kuwafundiza wanhu, kachola Kapelinaumu.

Yohana 15:2

Kila tambi dileka kulela mgati mmwangu kodikanha, na kodidahulila kila tambi dilela matunda, ili dilele ng'hani.

Sang'hano 20:29

Nojuwa goya nahasegela mbwizi wakali okwiza kumwenu, na odibananga bumbila dino.

Sang'hano 26:11

Miyanza mingi nyhola mzing'anda za kumpula Imulungu na niwananahiza wabele kutamanila kwao. Ng'hala niwehile ng'hani mbaka nyhola mmabuga ga kutali kuwadununza.”

1 Wasesalonike 3:5

lekaavo nimtuma Timoseo kumwenu. Sidahile kuwamba ng'hani, avo nimtuma mhate mbuli za kutamanila kwenu. Avo nidumba Mwenembago sikuyawageze na sang'hano yetu yose ipolete bule!

2 Petulo 2:20

Kamba wanhu awo wakala wahonyeke na gehile geli mwiisi gagalaga ubananzi kwa kumjuwa Mndewa wetu na Mkombola Yesu Kilisito, abaho watogola kugogigwa kabili na kutawaligwa na gago gehile, kukimambukizo wanhu awo okwiha ng'hani kubanza aho haichanduso.

1 Yohana 2:19

Wanhu awo walawa mna ikibumbila chetu lakini hawalawile kweli mna kibumbila chetu, kwavija maza walawile mkibumbila chetu, wahasigale hamoja na siye, lakini kusegela kwao kolagusa kamba hawakalile hamoja na siye.