Luka 6:30 - Biblia Kikutu

³⁰ Munhu yahakupula kinhu mgwee, na munhu yokuboka vinhu vako, sikuulonde yakubwezele.

Luka 6:30 ပူးပေါင်းရင်းမြစ်များ

Zabuli 112:9

Kowagwaa wakiwa vinhu kwa moyo unogile, haki yake yosigala milele. Heyo kokuwa na nguvu na kotegelezwa.

Zabuli 41:1

Kamweda imunhu yomkumbuka mkiwa, Mndewa Imulungu komuhonya siku da magazo gake.

Nongezi 19:17

Yomtaza mkiwa komkopesha Mndewa Imulungu, Imulungu komuliha kwa unogelwa wake unogile.

Nongezi 21:26

Imisi ngima msang'hana gehile kosulukila kupata kinhu, lakini yeli na haki kolava kwa unogelwa.

Nongezi 22:9

Munhu yeli na moyo wa kulava komweda, kwavija kowagwaa wakiwa ndiya yake.

Matayo 18:35

Yesu kamambukiza, “Vino vivo Tatangu yeli kuulanga vonda yawatendeleni mweye, kamba hamuzigela kumgongo mbuli za ndugu zenu kwa mizoyo yenu yose.”

Matayo 5:39

Lakini niye nowalongeleni, sikuumbwezele munhu yakutendele gehile. Munhu yahakutowa kanza da mkono wa kudila, muhindusile na da kumoso.

Matayo 6:12

Uzigele kumgongo nzambi zetu zitutendile, kamba vija siye vituzigela kumgongo mbuli za wanhu wayagwe ziwatutendele.

Luka 11:41

Lakini laveni vili mgati na muwagwee wakiwa na kila kinhu chonoga kumwenu.

Luka 12:33

Chuuzeni vose vimulinavo na muwagwelele wakiwa zisente. Muitendele mikoba hailala, na muikile ngama yenu kuulanga. Ako hondaihunguke, kwavija kuduhu wabavi odaha kuhavika na kuduhu ng'hobo odaha kuibananga.

Luka 18:22

Yesu viyahulike avo, kamulongela, “Kuhungukiligwa na kinhu kimoja. Chuuza vose viulinavo, uwagwee sente wanhu wakiwa, na gweye kokuwa na ngama yako kuulanga. Abaho wize unikweleleze.”

Luka 6:29

Munhu yonda yakutowe kanza dimoja, muleke yakutowe kanza diyagwe vivija, kamba munhu kokuboka koti jako, muleke yasole na shati jako vivija.

Luka 6:31

Avo watendeleni wayagwe gaja gose gomulonda mweye kutendeligwa.”

Luka 6:38

Muwagwee wayagwe, na Imulungu kowagwaa mweye. Na mweye mobokela kibaba kimemile na kusindiligwa mbaka vokwitika mmakono genu, na vose vonda mudahe kuvigoga. Avo, vija vimuwapimila wayagwe, Imulungu nayo kowapimila vivo.”

Sang'hano 20:35

Niwalagusila kamba kwa kusang'hana ng'hani tolondigwa kuwataza wanyolile, kumbukeni mbuli ziyalongile Mndewa Yesu mwenyego, ‘Vinoga ng'hani kulava kubanza kubokela.’ ”

2 Wakolinto 8:9

Kwavija muijuwa ng'hekewa ya Mndewa wetu Yesu Kilisito, hamoja kakala na kila kinhu, lakini kaitenda mkiwa mbuli yenu mweye, ili kubitila ukiwa wake mweye muwe na kila kinhu.

Waefeso 4:28

Wanhu wose wakalile okwiba waleke na wasonge kusang'hana kwa makono gao, ili wakale kwa kutamaniligwa na wadahe kuwataza wakiwa.