Luka 5:19 - Biblia Kikutu

¹⁹ Lakini hawapatile nzila ya kumwingiza mng'anda, kwavija kukala na lunhu lwa wanhu. Avo wamsola mtamu wao, wamgala uchanha kukiswili, watobola zonzo. Abaho wamuhumulusa na lusazi lwake mbaka hagati ya lunhu lwa wanhu, wamwika haulongozi wa Yesu.

Luka 5:19 ပူးပေါင်းရင်းမြစ်များ

2 Samweli 11:2

Siku dimoja ichungulo Daudi kenuka mulusazi kakwela mkiswili cha ng'anda ya kindewa. Viyakalile kotembela kuko kukiswili kamona mtwanzi imoja kokoga, mtwanzi ayo kakala yanogile ng'hani.

Matayo 10:27

Kiniwalongeleni mdiziza, mkilonge imisi, na mbuli imuihulike kwa kinyelegezi, mweye ilongeni mkiswili.

Matayo 24:17

Munhu yeli mkiswili cha ng'anda yake, sikuyahumuluke hasi mna ing'anda yake kusola kinhu.

Maluko 2:4

Kwavija kukala na lunhu, hawadahile bule kumgala kwa Yesu. Avo watobola zonzo kukiswili uchanha ya aho haakalile Yesu, wahumulusa mkeka muyatambalale munhu ayo yaholole.

Kumbukumbu 22:8

“Wahazenga ng'anda ili na gati da uchanha, uzenge senyenge kuzunguluka ikiswili, sikugakupate gehile mbuli ya kwita damu kamba munhu yahapatuka kulawa kuko na kufa.

1 Samweli 9:25

Viwabwelile kudibuga kulawa ihanhu ha kutambikila, lusazi lukala lutandigwe goya kudigati da uchanha na Sauli kawasa kuko.