Luka 4:22 - Biblia Kikutu

²² Wose wamtogola na wakanganya mbuli zake zinogile ziyalongile. Walonga, “Vino ino siyo mwanage Yusufu?.”

Luka 4:22 ပူးပေါင်းရင်းမြစ်များ

Zabuli 45:2

Gweye kunoga kubanza iwanhu wose, bazi digidigwa kululimi lwako, avo Imulungu kakutambikila milele.

Zabuli 45:4

Muukulu wako gendelela kwa kuhuma, mbuli ya kweli na uhole na haki, mkono wako wa ukudila ulaguse mbuli ng'hulu.

Nongezi 10:32

Milomo ya wanhu wene haki yotanga mbuli zonda zitogoligwe, lakini milomo ya wanhu osang'hana gehile yolonga gehile.

Nongezi 16:21

Yeli na ubala muumoyo wake kokemigwa munhu mwene nzewele, umulile wa mbuli zake owakema wanhu.

Nongezi 25:11

Mbuli ilongigwa kipindi kinogile, yoigala na shaba ihambigwe kwa zahabu.

Luka 2:47

Wanhu wose wamuhulike wakanganya nzewele zake na vija viyawedike.

Luka 2:48

Tatake na mamake viwamone wasinhuka ng'hani. Mamake kamuuza, “Mwanangu, habali ututendile vino? Niye na tatako tukala moyo nyunguwaa tokuzahila gweye!”

Luka 21:15

kwavija niye nowagwaa ubala na mbuli za kulonga. Kuduhu munhu mna iwanhu wamwihileni yodaha kuwahuma hebu kulema chonda mulonge.

Luka 4:21

Nayo kasonga kuwalongela, “Chandikigwe muno, lelo kilawilila kamba vimuhulike.”

Yohana 1:45

Filipo kamvika Nasanaeli, kamulongela, “Tumona munhu ayo yandikigwe na Musa mna ikitabu cha Malagizo, na watula ndagu wa Imulungu wengi wandika mbuli zake. Heyo Yesu mwanage Yusufu, mwenekae wa Nazaleti.”

Yohana 6:42

Avo walonga, “Vino ino siyo Yesu mwanage Yusufu? Tumjuwa tatake na mamake. Yokuwaze kabili kolonga kahumuluka kuulanga?”

Yohana 7:46

Wakalizi wawedika, “Kuduhu munhu yolonga kamba munhu ayo!”

Sang'hano 6:10

Lakini Loho Yang'alile kamgwaa nzewele Sitefano viyakalile kolonga, mbaka walemelwa kumuhuma.

Tito 2:8

Ulonzi wako sikuutagusigwe, ili wose okulema gweye wagwe kinyala kwa kuswela kulonga gehile kumwetu.