Luka 4:18 - Biblia Kikutu

¹⁸ “Loho wa Mndewa Imulungu kamgati mmwangu, kwavija kanisagula niwagalile wanhu wakiwa Mbuli Inogile. Kanituma niwapetele wagodekigwe kamba olekesigwa, na waja wasuwameso walole, na kuwakombola waja wadununzigwe,

Luka 4:18 ပူးပေါင်းရင်းမြစ်များ

Mwanduso 3:15

Nokutenda gweye na mtwanzi mwiihile, ulelo wako na ulelo wake oihila, heyo kokuhonda pala jako, na gweye kokiluma kisiginho chake.”

Zabuli 102:20

ili yahulike kililo cha ayo yafungigwe, na yawafungulile watagusigwe ifa.

Zabuli 147:3

Kowahonya wahondigwe mizoyo, na kovifunga vilonda vao.

Zabuli 2:2

Iwandewa wa mwiisi waitanda, na iwakulu okala kiseto, mbuli ya Mndewa Imulungu na mbuli ya ayo iyamsagule, olonga,

Zabuli 2:6

“Na niye nimwika mndewa wangu uchanha ya Sayuni, ulugongo lwangu lung'ala.”

Zabuli 34:18

Mndewa Imulungu kabehi na iwanhu wali na lusikisiki, kowakombola wose wahondigwe mmizoyo.

Zabuli 45:7

Koinogela haki na kogehila gehile, avo Imulungu, Imulungu wako kakusagula, kwa kukugwaa deng'ho kubanza wayago wose.

Zabuli 51:17

Ila nhosa zilondigwa na Imulungu ayo loho ihondeke, na moyo uhondeke na ulongaga ng'hosa, gweye Imulungu huubezeli bule.

Matayo 11:5

wasuwameso olola, mbetembete otembela, na weli na utamu wa dikulu ohonyigwa na wanhu hawahulika ohulika, wafile ozilibuka na wakiwa opeteligwa Mbuli Inogile.

Matayo 12:18

“Ino ayo msang'hanaji wangu, inimsagule inimnogela na moyo wangu unogezigwa nayo. Noika loho yangu kumwake, nayo kowapetela wanhu wa mwiisi nhaguso yangu.

Matayo 12:20

Honda yalubene ludete luveduke, hebu kuuzima utambi ulava yosi, mbaka vonda yaitende haki itawale.

Matayo 4:16

Wanhu wakalile mdiziza wawona mulenge wa ukombola wa Imulungu Waja wose okala mwiisi ya sisila da ifa mulenge uwamwemwesela.”

Matayo 5:3

“Wamweda wanhu waja omtamanila Imulungu yaiyeka, kwavija Undewa wa kuulanga uli wao!

Luka 4:17

Kagweleligwa kitabu cha mtula ndagu wa Imulungu Isaya, kakifungula na kona hanhu handikigwe,

Luka 6:20

Yesu kawalola wanahina zake, kalonga, “Mmweda mweye muli wakiwa, kwavija Undewa wa Imulungu uli wenu.

Luka 7:22

Avo Yesu kawedika, “Bweleni mkamulongele Yohana gaja gomuhulika na kugona, wasuwameso olola, mbetembete otembela, na weli na utamu wa dikulu ohonyigwa, na wanhu hawahulika ohulika, wafile ozilibuka, na wakiwa opeteligwa Mbuli Inogile.

Yohana 1:41

Bahaja Andeleya viyamone Simoni ndugu yake, kamulongela, “Tumona Masihi.” Masihi fambulo jake “Kilisito Mkombola.”

Yohana 12:46

Niye niza mwiisi niwe mulenge, ili munhu yoyose yonhogola sikuyasigale mdiziza.

Yohana 3:34

Heyo yatumigwe na Imulungu kolonga mbuli za Imulungu, kwavija Imulungu kamgwaa ng'hani Loho wake Yang'alile.

Sang'hano 10:38

Mumjuwa Imulungu viyamsagule Yesu wa Nazaleti kwa kumgwaa Loho Yang'alile na udahi. Kila hanhu hayacholile katenda ganogile na kuwahonya wanhu wose wakalile mmakono ga Mwenembago, kwavija Imulungu kakala nayo.

Sang'hano 26:18

Uwafumbule meso gao walawe mdiziza weze kudilenge na walawe mmakono ga Mwenembago wambwelele Imulungu, avo kubitila kutamanila kwao kumwangu nzambi zao zogeligwa kumgongo na opata uhazi wao mna iwanhu wasaguligwe na Imulungu.’ ”

Sang'hano 4:26

Wandewa wa mwiisi waitanda wenyego, vilongozi waiting'hana hamoja kumbiduka Mndewa na Mkombola ayo yaamsagule.’

Sang'hano 4:27

Kwavija Helode na Pontio Pilato waiting'hana hamoja mna idibuga dino da wanhu haweli Wayahudi na wanhu wa Izilaeli kumbiduka Yesu, Mtumigwa wako Yang'alile, Kilisito Mkombola yuumsagule.

Wakolosai 1:13

Imulungu katuhonya kulawa mmakono ga ziza, katugala muundewa wa Mwanage yomnogela,

Yakobo 2:5

Ndugu zangu niwanogela, tegelezeni! Imulungu kawasagula wanhu okoneka wakiwa mwiisi ili wawe wagoli mditamanilo na wengile muundewa uja uyawalongele kowagwaa wanhu omnogela.

1 Petulo 2:9

Lakini mweye mwa wanhu musaguligwe, walava nhosa wa kindewa na wanhu wa isi ing'alile, wanhu wa Imulungu, ili mupete mbuli za unzonza ziyatendile, kawakema mulawe mdiziza mwize mmulenge wa kukanganya.