Luka 24:6 - Biblia Kikutu

⁶ Hano kahaduhu, kazilibuka. Kumbukeni vija viyawalongele viyakalile Galilaya.

Luka 24:6 ပူးပေါင်းရင်းမြစ်များ

Matayo 12:40

Kamba vija Yona viyakalile siku ndatu imisi na ikilo mna iinda ya somba mkulu, vivo ili kwa Mwana wa Munhu kokala siku ndatu imisi na ikilo hasi ya isi.

Matayo 16:21

Kulawa baho, Yesu kawalongela wanahina zake fulu ipile, “Nolondigwa kuchola Yelusalemu, kuko nodununzigwa ng'hani mmakono ga wavele, wakulu wa walava nhosa na wafundiza Malagizo. Ako nokomigwa na siku da kadatu nozilibuka.”

Matayo 27:63

Wamulongela, “Go mkulu, tomkumbuka, munhu ija cha uvizi viyakalile mgima kalonga, ‘Zahavika siku ndatu nozilibuka.’

Matayo 28:6

Kahaduhu hano, kazilibuka kamba viyalongile. Izoni mulole hanhu hawamwikile.

Maluko 16:6

Kawalongela, “Sikumudumbe nojuwa momzahila Yesu wa Nazaleti yawambigwe mumsalaba. Kahaduhu hano, kazilibuka! Loleni hanhu hawamwikile.

Maluko 8:31

Abaho Yesu kasonga kuwafundiza wanahina zake, “Mwana wa Munhu kolondigwa yadununzigwe ng'hani na kulemigwa na wavele na wakulu wa walava nhosa na wafundiza Malagizo ga Musa. Kokomigwa na siku da kadatu kozilibuka.”

Luka 24:34

olonga, “Mndewa kazilibuka kweli! Kamulawilila Simoni!”

Luka 24:5

Kuno wamema bwembwe, watwanzi waja waidulika hasi, wanhu waja wawalongela, “Habali momzahila munhu yeli mgima mna iwanhu wafile?

Luka 9:22

Vivija Yesu kawalongela, “Mwana wa Munhu kolondigwa yadununzike ng'hani, na kulemigwa na wavele na wakulu wa walava nhosa na wafundiza Malagizo ga Musa. Kokomigwa lakini siku da kadatu kozilibuka.”

Luka 9:44

“Sikumuisemwe mbuli inilonda kuwalongela! Mwana wa Munhu kogeligwa mmakono ga wanhu.”

Sang'hano 2:24

Lakini Imulungu kamzilibula kulawa kwa wafile, kamulekesa kulawa muusungu wa ifa, kwavija havidahike ifa imwike mkifungo.

2 Wasesalonike 2:5

Vino, hamukumbuka, ving'halile na mweye niwalongela gano gose?