Luka 2:37 - Biblia Kikutu

³⁷ Nayo kakala mgane mbaka viyavikize miyaka malongo manane na nne. Kipindi chose acho kakala Mng'anda ya Imulungu imisi na ikilo, komgwaa ukulu Imulungu, kopula na kofunga kuja.

Luka 2:37 ပူးပေါင်းရင်းမြစ်များ

Zabuli 22:2

Go Imulungu wangu, imisi nolila lakini hunidika bule, ikilo noguta lakini sidaha kubwihila bule.

Zabuli 23:6

Kweli kunoga kwako na unogelo wako hawishaga vokuwa hamoja na niye, siku zose za ugima wangu, niye nokala mng'anda ya Mndewa Imulungu milele.

Zabuli 27:4

Mbuli imoja nimpula Mndewa Imulungu, na mbuli ayo noilonda ng'hani, nikale mng'anda ya Mndewa Imulungu, siku zose za ugima wangu, nilole ukunoga kwa Mndewa Imulungu, na nizahile ulongozi wake mng'anda yake.

Zabuli 84:10

Siku dimoja kukala kuuluwa lwako, kunoga kubanza kukala siku elufu imoja hanhu hayagwe, vinoga nahakuwile mkalizi wa ng'anda ya Imulungu wangu, kubanza kukala mmahema ga iwanhu wehile.

Zabuli 84:4

Wamweda iwanhu okala mng'anda yako, okutogola gweye siku zose.

Zabuli 92:13

Okuwa kamba mibiki ihandigwe mng'anda ya Mndewa Imulungu, omweda kuing'hambi ya Imulungu wetu.

Kulawa 38:8

Abaho katenda bakuli da shaba ya kiguzi, na mgimbo wake ukala wa shaba ya kiguzi, bakuli dijo na mgimbo wake kavitenda kwa shaba ya vioo va watwanzi osang'hana hana ulwivi lwa dihema da mting'hano.

Luka 5:33

Wanhu wayagwe wamulongela Yesu, “Wanahina wa Yohana Mbatizaji ofunga kuja miyanza mingi na kumpula Imulungu, na wanahina wa Mafalisayo otenda vivo, lakini wanahina zako oja na kung'wa.”

Sang'hano 13:3

Wafunga kuja na kumpula Imulungu, wawekila makono wawatuma wachole.

Sang'hano 14:23

Paulo na Balinaba wasagula wavele kila kibumbila cha wanhu wamtogole Yesu, kwa kumpula Imulungu na kufunga kuja waweka mmakono ga Mndewa, iwamtamanile.

Sang'hano 26:7

Dino ijo lagano ditamaniligwa koneka na makabila longo na mabili, kamba viwomsang'hanila goya Imulungu imisi na ikilo. Mbuli ya gago, go mkulu notagusigwa na Wayahudi!

1 Timoseo 5:5

Mgane yeli yaiyeka, yaliduhu munhu wa kumulolesa, ayo komulolela Imulungu na kogendelela kumpula Imulungu yamtaze imisi na ikilo.

Ugubulo 3:12

Ija yonda yahume nomtenda mhanda mng'anda ya Imulungu wangu, na honda yalawe bule mumo. Nokwandika kumwake twaga da Imulungu wangu na twaga da buga da Imulungu wangu, Yelusalemu ya sambi, yonda ihumuluke kuulanga kwa Imulungu wangu. Vivija nokwandika kumwake twaga jangu da sambi.

Ugubulo 7:15

Lekaavo wema kuulongozi wa kigoda cha undewa wa Imulungu na omsang'hanila imisi na ikilo mng'anda yake. Ayo yokala mkigoda cha undewa kokala nao na kowakaliza.

1 Samweli 2:2

“Kuduhu yang'alile kamba Mndewa Imulungu, kuduhu yoyose kubanza heyo, kuduhu dibwe kamba Imulungu wetu.