Luka 19:27 - Biblia Kikutu

²⁷ Na sambi, waja wanihile, ondema niye niwe mndewa wao, wagaleni hano, muwakome bahano mgameso gangu!’ ”

Luka 19:27 ပူးပေါင်းရင်းမြစ်များ

2 Samweli 23:7

munhu yoikuba miba kolondigwa yawe na kinhu cha zuma hebu muhini wa mgoha, Wanhu awo osakazigwa muumoto.

Zabuli 109:20

Mndewa Imulungu yawalihe gago awo wose onitagusa niye, na awo onibezeli niye.

Zabuli 2:9

Kowabena kwa fimbo ya zuma na kowahonda vihande vihande kamba nongo ya mulumba.”

Matayo 22:7

Mndewa kagevuzika ng'hani, avo kawatuma wakalizi zake wakawakome waja wawakomile wasang'hanaji zake na wadisome moto buga jao.

Luka 19:14

Lakini wanhu wa isi yake wakala wamwihile. Avo wawatuma wasenga wagende kwa wanhu waja wakalonge, ‘Hatumulonda munhu ino yawe mndewa wetu.’

Luka 20:16

Kokwiza na kuwakoma walimaji wose awo na kowakodisha walimaji wayagwe mgunda awo wa mizabibu.” Wanhu viwahulike mbuli ayo, walonga, “Bule! Sikuilawilile avo!”

Luka 21:22

Kwavija kino acho kipindi cha nhaguso kutenda gaja gandikigwe galawilile.

Luka 21:24

Wayagwe okomigwa kwa panga, na wayagwe osoligwa na kugodekigwa mziisi zose, na wanhu haweli Wayahudi odihondahonda buga da Yelusalemu, mbaka kipindi chao vonda kimale.

Waebulania 10:13

Toka kipindi acho kobetela mbaka vonda wahumigwe wanhu wamwihile na wekigwe hasi mmagulu gake.

1 Samweli 11:12

Abaho Waizilaeli wamulongela Samweli, “Wakwahi waja iwanhu walongile Sauli sikuyawe mndewa wetu? Wagaleni wanhu awo tuwakome.”