Luka 18:22 - Biblia Kikutu

²² Yesu viyahulike avo, kamulongela, “Kuhungukiligwa na kinhu kimoja. Chuuza vose viulinavo, uwagwee sente wanhu wakiwa, na gweye kokuwa na ngama yako kuulanga. Abaho wize unikweleleze.”

Luka 18:22 ပူးပေါင်းရင်းမြစ်များ

Zabuli 27:4

Mbuli imoja nimpula Mndewa Imulungu, na mbuli ayo noilonda ng'hani, nikale mng'anda ya Mndewa Imulungu, siku zose za ugima wangu, nilole ukunoga kwa Mndewa Imulungu, na nizahile ulongozi wake mng'anda yake.

Matayo 19:21

Yesu kamulongela, “Wahalonda udahe kutenda goyolonda Imulungu, genda kachuuze vinhu vose viuli navo na ukawagwelele wakiwa zisente, na gweye kokuwa na utajili kuulanga, abaho wize unikweleleze.”

Luka 10:42

lakini kimoja kiiyeka kilondigwa. Malia kasagula kinhu kinogile, na honda kisegesigwe bule kumwake.”

Luka 12:33

Chuuzeni vose vimulinavo na muwagwelele wakiwa zisente. Muitendele mikoba hailala, na muikile ngama yenu kuulanga. Ako hondaihunguke, kwavija kuduhu wabavi odaha kuhavika na kuduhu ng'hobo odaha kuibananga.

Luka 16:9

Yesu kagendelela kulonga, “Avo nowalongeleni, itendeleni umbwiga kubitila vinhu va mwiisi, ili vahamala mudahe kubokeligwa kuna ikae ya ugima wa milele.

Luka 18:21

Munhu ija kedika, “Gago gose nigagoga toka haudodo.”

Luka 18:23

Lakini munhu ayo viyahulike avo, kanyunyuwala kwavija kakala tajili ng'hani.

Luka 9:23

Abaho Yesu kawalongela wanhu wose, “Munhu yoyose yolonda kunikweleleza, yaileme mwenyego, yaidikwe msalaba wake kila siku, yanikweleleze.

Wafilipi 3:13

Ndugu zangu sigesa bule kamba nidipata fungu ajo, lakini kinhenda niye, noisemwa mbuli za kuchugu na nowamba kulola mbuli za kumwande.

2 Petulo 3:8

Ndugu zangu, sikumuisemwe kinhu kino, mgameso ga Mndewa siku dimoja sawa na miyaka magana longo, na miyaka magana longo sawa na siku dimoja.