Luka 18:14 - Biblia Kikutu

¹⁴ Nowalongela, mbokela kodi ija kachola ukae kumwake kuno katendigwa kanoga mgameso ga Imulungu kubanza ija Mfalisayo. Kwavija wose oitenda wanhu wakulu ohumulusigwa, na waja oihumulusa otendigwa wanhu wakulu.”

Luka 18:14 ပူးပေါင်းရင်းမြစ်များ

Zabuli 138:6

Hamoja Mndewa Imulungu ka uchanha, komulola goya munhu yabwezigwe hasi, lakini komtanga munhu yoitapa kulawa kutali.

Zabuli 143:2

Sikuumtaguse msang'hanaji wako, kwavija kuduhu munhu yokala kuno kana haki kuulongozi wako.

Kulawa 18:11

Sambi nojuwa kamba Mndewa Imulungu iyo mkulu kubanza milungu yose, kwavija kawakombola Waizilaeli kulawa mmakono gawa Misili wakalile owabezeli.”

Nongezi 15:33

Kumdumba Mndewa Imulungu ago mafundizo ga ubala, ung'hali ukulu haunakwiza tanhu olongola uhole.

Nongezi 18:12

Kuitapa kwa moyo kogala kunangigwa, lakini uhole ogala kutegelezwa.

Nongezi 25:7

vinoga kulongeligwa, “Izo kuno kuulongozi.” Kubanza kuhulumusigwa hasi kuulongozi wa iwakulu. Mbuli ziuzonile kwa meso gako,

Nongezi 29:23

Kibuli cha munhu chomtenda yabezigwe, lakini yeli muhole kotegelezigwa.

Nongezi 3:34

Heyo kowabezeli weli na bezi, lakini kowagwaa ng'hekewa waja oibwanha hasi.

Matayo 23:12

Munhu yoyose yoitenda mwenyego mkulu kotendigwa mdodo, na munhu yoyose yoitenda mwenyego mdodo kotendigwa mkulu.

Matayo 5:3

“Wamweda wanhu waja omtamanila Imulungu yaiyeka, kwavija Undewa wa kuulanga uli wao!

Luka 1:52

Kawahumulusa wandewa mna ivigoda vao va undewa, na kawenula wahole.

Luka 10:29

Lakini munhu ija kalonda kuilagusa kamba kanoga, avo kamuuza Yesu, “Vino miyangu ayo nani?”

Luka 14:11

Kwavija waja wose oitenda wenyego wanhu wakulu otendigwa wanhu wadodo, na waja oitenda wenyego wanhu wadodo otendigwa wanhu wakulu.”

Luka 16:15

Yesu kawalongela, “Mweye awo wanhu muitenda munoga mgameso ga wanhu, lakini Imulungu kaijuwa mizoyo yenu. Kwavija vinhu vikoneka vinoga ng'hani kwa wanhu, mgameso ga Imulungu vokoneka viha.

Walumi 3:20

Kwavija kuduhu munhu yotendigwa kanoga mgameso ga Imulungu kwa kutenda gaja golondigwa na Malagizo, ila Malagizo ga Imulungu gotutenda siye tujuwe totenda nzambi.

Walumi 4:5

Lakini munhu yoleka kutamanila sang'hano zake mwenyego, ila komtamanila Imulungu yozigela kumgongo nzambi za wanhu, avo Imulungu kodigesa tamanilo da munhu ayo na komtenda yanoge mgameso gake.

Walumi 5:1

Sambi kwavija tutendigwa tunoga mgameso ga Imulungu kwa kumtamanila, tuna tindiwalo na Imulungu kubitila Mndewa wetu Yesu Kilisito.

Walumi 8:33

Vino nani yonda yawalavile vitala wanhu wasaguligwe na Imulungu? Imulungu mwenyego kawatenda wanoge mgameso gake!

Wagalatia 2:16

Siye tojuwa kuwa munhu hatendigwa kanoga mgameso ga Imulungu kwa kugagoga Malagizo ga Musa, ila kwa kumtamanila Yesu Kilisito. Na siye tumtamanila Yesu Kilisito ili tutendigwe tunoge mgameso ga Imulungu, kubitila kumtamanila kwetu Kilisito, na siyo kwa kugagoga Malagizo ga Musa. Kwavija kuduhu munhu yoyose yotendigwa kanoga mgameso ga Imulungu kwa kugagoga Malagizo ga Musa.

Yakobo 4:10

Igweni kuulongozi wa Mndewa na mumtamanile nayo kowenula uchanha.

Yakobo 4:6

Lakini ng'hekewa iyotugwaa Imulungu ina nguvu ng'hani. Kamba Maandiko vigalonga, “Imulungu kowalema wanhu oitapa, lakini kowagwaa ng'hekewa wanhu wahole.”

1 Samweli 1:18

Hana kalonga, “Nopula niye msang'hanaji wako mhate bazi kulawa kumwako.” Abaho Hana kasegela, kaja ndiya na kakala kabule lusikisiki.