Luka 16:25 - Biblia Kikutu

²⁵ “Lakini Abulahamu kamulongela, ‘Mwanangu, kumbuka muugima wako kubokela vinhu vinogile, nayo Lazalo kabokela vihile. Lakini sambi Lazalo kobwihila, na gweye kodununzika.

Luka 16:25 ပူးပေါင်းရင်းမြစ်များ

Zabuli 17:14

Gweye Mndewa Imulungu, kwa mkono wako unikombole kulawa kwa wanhu awo, iwanhu wa mwiisi ino awo fungu jao da muugima uno. Uwakoboze ng'hani, wanao wapate nhaguso ng'hulu kubanza ayo. Nhaguso ayo igendelele mbaka kwa wazukulu zao.

Zabuli 49:11

Mapanga gao gokuwa ng'anda zao milele, kae za ulelo wose, hamoja wakala na migunda ikemigwe kwa matwaga gao.

Zabuli 73:7

Gehile golawa mmizoyo yao ifile ganzi, mipango yao ihile yolawa mmizoyo yao.

Matayo 27:63

Wamulongela, “Go mkulu, tomkumbuka, munhu ija cha uvizi viyakalile mgima kalonga, ‘Zahavika siku ndatu nozilibuka.’

Maluko 9:45

Kamba mgulu wako wahakuhonza utende nzambi, ukanhe! Yokuwa vinoga wingile kuna ugima na mgulu umoja, kubanza wingile na magulu gose mabili na abaho wasigwe jehanamu.

Luka 16:20

Vivija kukala na munhu imoja mkiwa yakemigwe Lazalo, kamema vilonda lukuli lose, kakala yokwikigwa muulwivi lwa tajili ija.

Luka 16:23

Ako kowochola wanhu wafile, kakala kodununzika ng'hani. Kenula meso gake, kamona Abulahamu kwa kutali na Lazalo kakala behi yake.

Luka 16:26

Hata avo, hagati yetu siye na mweye hekigwa kolombo kulu, ili munhu yolonda kuloka kulawa kuno kwiza kumwenu sikuyadahe, hebu munhu yoyose kulawa kumwenu sikuyaloke kwiza kumwetu!’

Luka 6:24

Lakini mogaya mweye muli matajili sambi, kwavija mmala kupata deng'ho jenu!

Yohana 16:33

Niwalongela gano gose, ili kwa kubandagala mmwangu mkale moyo uholile. Mwiisi mnago madununzo, lakini fungeni umoyo! Niye niihuma isi!”

Sang'hano 14:22

Wawagangamiza wanahina wa Yesu na wawalonda wakale mna ukutamanila, wawafundiza, “Tolondigwa tubitile madununzo mengi ili twingile Muundewa wa Imulungu.”

Walumi 8:7

Wanhu okweleleza vilulonda lukuli oihila na Imulungu. Kwavija hawagagoga Malagizo ga Imulungu na hawadaha kugagoga.

Kumbukumbu 28:17

Vigelo venu voduwiligwa na viya venu va kutelekela voduwiligwa.

Wafilipi 3:19

Wanhu awo obanangika, kwavija otambikila vija viwosulukila mzing'huli zao, na oigodela mbuli zigela kinyala na ogesa mbuli za mwiisi.

1 Wasesalonike 3:3

Avo kuduhu munhu yonda yabwele kuchugu mbuli ya madununzo gano. Mweye mojuwa kamba tolondigwa tudununzigwe.

Waebulania 11:25

Kona vinoga kugaya na wanhu wa Imulungu kubanza kudeng'helela uhondo wa nzambi kwa kipindi kidodo.

1 Yohana 2:15

Sikumuinogele isi hebu kinhu chochose kili mwiisi. Munhu yoyose yoinogela isi hadaha kumnogela Tata.

Ugubulo 7:14

Niye nimwidika, “Go mkulu, gweye kujuwa.” Nayo kanongela, “Wano awo wahonyeke mna gamagayo makulu. Wavifuwa viwalo vao kwa damu ya Mwanang'hondolo, viwa vizelu chuwee.