Luka 16:24 - Biblia Kikutu

²⁴ Avo kamkema kwa sauti ng'hulu, ‘Tata Abulahamu! Nyonele bazi! Mtume Lazalo yazabike kidole chake mgamazi, yaluhoze lulimi lwangu, kwavija nogaya ng'hani muumoto uno!’

Luka 16:24 ပူးပေါင်းရင်းမြစ်များ

Matayo 25:41

“Abaho kowalongela waja weli mwambu wa kumoso, ‘Segeleni kumwangu, mweye muduwiligwe! Muchole kuna umoto haufaga, uyekiligwe Mwenembago na wasenga zake!

Matayo 3:9

Sikumugelegeze kwa kulonga kamba Abulahamu heyo muhenga wetu. Nowalongela Imulungu kodaha kugasola mabwe gano na kugatenda lukolo lwa Abulahamu!

Matayo 5:22

Lakini niye nowalongeleni munhu yoyose yomwihila ndugu yake kotagusigwa. Munhu yoyose yombeza ndugu yake kolondigwa yagaligwe kukitala, na munhu yoyose yomkema ndugu yake, ‘Mbozi!’ ayo kolondigwa yengile muumoto wa jehanamu.

Luka 16:30

Tajili ija kamwidika, ‘Bule tata Abulahamu! Lakini kamba munhu yahazilibuka kulawa kwa wafile na kuwacholela, baho ozileka nzambi zao!’

Luka 19:9

Yesu kamulongela, “Lelo ukombola uvika kwa wanhu wa lubuga luno, kwavija munhu ino na heyo kolawa mulukolo lwa Abulahamu.

Luka 3:8

Musang'hane gaja gonda galaguse muzileka nzambi zenu. Sikumuilongele, ‘Abulahamu ayo muhenga wetu.’ Nowalongela, Imulungu kodaha kugasola mabwe gano na kugatenda lukolo lwa Abulahamu!

Yohana 4:10

Yesu kamwidika, “Maza ujuwile choolava Imulungu, na maza ujuwile nani yokupula mazi ga kung'wa, wahampulile, nayo yahakugwelele mazi gogala ugima.”

Yohana 4:14

lakini munhu yoyose yong'wa mazi gonda nimgwelele, honda yone ng'hilu kabili. Mazi gonda nimgwelele niye gokuwa nzasa ya mazi gogala ugima wa milele mgati mmwake.”

Yohana 7:37

Mna isiku ya uhelelo na siku ng'hulu ya inyimwilinyimwili, Yesu kema kakemelela, “Munhu yoyose yokona ng'hilu yeze kumwangu yang'we.

Walumi 4:12

Vivija Abulahamu iyo tata wa wanhu wose wengile kumbi, lakini siyo kwavija wengila kumbi kwiiyeka, ila kwavija okweleleza nzila iija ya kumtamanila Imulungu iyaikweleleze tataetu Abulahamu yang'hali hanakwingila kumbi.

2 Wasesalonike 1:8

Na kokwiza na moto ukwaka, kuwatagusa waja wamulemile Imulungu na waja iwolema kuigoga Mbuli Inogile ya Mndewa wetu Yesu.

Yakobo 2:13

Kwavija Imulungu kotagusa bila bazi kwa munhu yoyose yelibule bazi. Lakini munhu yeli na bazi hadumba kutagusigwa.

Yakobo 3:6

Lulimi luigala na moto, umema gehile na ni maungo madodo mulukuli lakini lounanga lukuli lose. Lomnanga munhu wose na kuugela muumoto ugima wose wa munhu toka kuvumbuka mbaka kufa kwavija lenyego lolukuzigwa kwa moto wa Jehanamu.

Ugubulo 19:20

Lakini ajo ding'onyo digogigwa hamoja na mtula ndagu wa uvizi yakalile yotenda unzonza hanhu ha ding'onyo. Kwa unzonza awo kawavizila waja wakalile na kilaguso cha ajo ding'onyo na waja waitambikile sanamu ya ding'onyo ajo. Dijo ding'onyo na mtula ndagu wa uvizi wose wabili wasigwa kuno wang'hali wagima mdilamba da moto mkulu na mabwe gokwaka.

Ugubulo 20:15

Munhu yoyose twaga jake hajandikigwe mna ikitabu cha ugima, kasigwa mdilamba da moto.

Ugubulo 22:1

Vivija ayo imsenga wa kuulanga kandagusila lwanda lwa mazi ga ugima, gong'ala kamba kiyoo, golawa mkigoda cha undewa wa Imulungu na cha Mwanang'hondolo.

1 Samweli 28:16

Samweli kamuuza, “Habali koniuza niye kamba Mndewa Imulungu kakuleka na kakwihila?