Luka 15:22 - Biblia Kikutu

²² Lakini tatake kawakema wasang'hanaji zake. Kawalongela, ‘Lopoleni! Galeni kiwalo kinogile mumvaze. Mvazeni pete mkidole chake na vilatu mmagulu gake.

Luka 15:22 ပူးပေါင်းရင်းမြစ်များ

Mwanduso 41:42

Abaho Falao kaivula mkidole chake pete yake ili na kilaguso kamvaza Yusufu, na kamvaza na viwalo va kitani inogile na mkufu wa zahabu msingo.

Zabuli 132:16

Iwalava nhosa zake nowavaza ukombola, na wanhu zake otamanilwa okwimba kwa deng'ho.

Zabuli 132:9

Iwalava nhosa zako wavazigwe haki, wanhu wako otamanilwa wembe kwa deng'ho.

Zabuli 18:33

Kaigangamiza migulu yangu sikuitelebuke kamba ya nhelembo, kanika goya uchanha kunhembeti.

Zabuli 45:13

Unovu wose wa mndele wa mndewa wa mdigati jake, kiwalo chake kilukigwa kwa nzabi za zahabu.

Luka 15:21

Mwanage kamulongela, ‘Tata, nimtenda Imulungu nzambi, na vivija nikutendela gweye. Sifaya kukemigwa mwanago.’

Luka 15:23

Abaho choleni mdigale bofu da ng'ombe dinonile mudichinje, wose tuje na kudeng'helela!

Walumi 13:14

Lakini muilumbe na Mndewa Yesu Kilisito, sikumugese kukweleleza vizilonda ng'huli zenu.

Walumi 3:22

Imulungu kowatenda wanhu wanoge mgameso gake kubitila tamanilo jao kwa Yesu Kilisito. Imulungu kotenda avo kwa wanhu wose omtogola Kilisito, kwavija wose waigala.

Walumi 8:15

Kwavija Imulungu hawagwelele bule Loho wa kuwatenda muwe watumwa kabili na kuwagela bwembwe, lakini kawagwaa Loho wa kuwatenda wana. Na kwa udahi wa Loho tomkema Imulungu, “Tata!”

Wagalatia 3:27

Mweye mose mubatizigwe kwa kuilumba na Kilisito, na sambi mumvala Kilisito mwenyego.

Waefeso 6:15

musulukile kuwapetela wanhu Mbuli Inogile kamba vilatu mmagulu genu.

Kumbukumbu 33:25

Mabuga gako gakalizigwe kwa nyivi za mizuma na shaba ya kiguzi, na siku zose ugangamale!”

Ugubulo 19:8

Mtwanzi ayo katogoleligwa kuvala kiwalo cha kitani inogile, isunhigwe na kung'ala.” Kiwalo acho cha kitani azo sang'hano zinogile za wanhu wa Imulungu.

Ugubulo 2:17

“Munhu yeli na magwiti, yategeleze gaja goyolonga Loho wa Imulungu kwa vibumbila va wanhu wamtogole Yesu! “Wanhu onda wahume nowagwaa ndiya ifisigwe ikemigwa mana. Vivija nomgwaa kila munhu dibwe zelu jandikigwe twaga da sambi hadijuwigwe na munhu yoyose ila ayo yadibokele.

Ugubulo 3:18

Nokugwaa magesa, gula kumwangu zahabu isunhigwe kwa moto, ili uwe na ugoli. Vivija gula viwalo vizelu uvale, ugubike kinyala cha kuwa mwazi. Vivija gula dawa ya meso ugabake meso gako ili udahe kulola.

Ugubulo 6:11

Kila imoja wao kagweleligwa kiwalo kitali kizelu, walongeligwa wabete kipindi kidodo, mbaka vonda wenele wasang'hanaji wayao na wayao wamtogole Yesu onda wakomigwe kamba viwakomigwe wao.

Ugubulo 7:9

Abaho ndola, nyona lunhu lwa wanhu mkulu ng'hani, kuduhu munhu yodaha kuwapeta, wanhu awo walawa kila isi na lukolo na ulonzi na kabila. Wema kuulongozi wa kigoda cha undewa na kuulongozi wa Mwanang'hondolo. Wavala viwalo vizelu na wagoga mibunho ya biki da mtende.