Luka 14:24 - Biblia Kikutu

²⁴ Nowalongela kweli, kuduhu hata munhu imoja mna iwaja wagonekigwe walemile kwiza yonda yalanze ndiya yangu!’ ”

Luka 14:24 ပူးပေါင်းရင်းမြစ်များ

Matayo 21:43

Yesu kengeza kulonga, “Avo nowalongeleni ukweli, Undewa wa Imulungu obokigwa kumwenu na ogweleligwa wanhu olela matunda ganogile.

Matayo 22:8

Abaho kawakema wasang'hanaji zake na kawalongela, ‘Zengele jangu nimala kuditanda, lakini wanhu wagonekigwe kuna idizengele hawafaya kugonekigwa.’

Luka 14:23

Avo mkulu ija kamulongela msang'hanaji wake, ‘Lawa kunze uchole mzinzila na mna gamakulugumbi ukawalongele wanhu weze, ili ng'anda yangu imeme.

Luka 14:25

Baho lunhu lwa wanhu vilukalile lomkweleleza, Yesu kahinduka, kawalongela,

Yohana 3:19

Vino vivo nhaguso vonda iwe, mulenge wiza mwiisi, lakini wanhu wanogelwa na ziza kubanza mulenge, kwavija gago gowosang'hana ganyolodoka.

Yohana 3:36

Munhu yoyose yomtogola Mwana kana ugima wa milele, na munhu yoyose yomulema Mwana kabule ugima, lakini kosigala mwiinhaguso ya Imulungu.

Yohana 8:21

Yesu kawalongela kabili, “Niye nosegela, mweye monizahila, lakini mofa na nzambi zenu. Hamudaha kuchola kuja kunyhola.”

Yohana 8:24

Lekaavo niwalongeleni mofa na nzambi zenu. Mofa na nzambi zenu kamba hamulonda kutogola kamba ‘Nene iyo Nene.’ ”

Sang'hano 13:46

Lakini Paulo na Balinaba wagangamala kulonga, “Mbuli ya Imulungu ilondigwa tanhu ipetigwe kumwenu. Lakini kwavija muilema na muiyona wenyego hamufaya kuupata ugima wa milele, siye towaleka tochola kwa wanhu haweli wayahudi.