Luka 13:34 - Biblia Kikutu

³⁴ “Gweye Yelusalemu! Gweye Yelusalemu! Kowakoma watula ndagu wa Imulungu na kuwatowa kwa mabwe waja Imulungu yawatumile kumwako! Miyanza mingapi nilonda kuwahagata wanago kwa makono gangu, kamba vija nguku viyovihagata vinziya vake mna gamabawa gake, lakini hulondile bule!

Luka 13:34 ပူးပေါင်းရင်းမြစ်များ

Zabuli 149:2

Waizilaeli wamdeng'helele Mulumba wao, wanhu wa Sayuni watowe lukenze kwa Mndewa wao.

Zabuli 17:8

Unikalize kamba imwana wa siso jako, unifise mna imbeho ya mabawa gako,

Zabuli 36:7

Unogelo wako hawishaga gweye Mndewa Imulungu, unoga ng'hani! Wana wa iwanhu okimbilila sisila da mabawa gako.

Zabuli 57:1

Unyonele bazi, gweye Imulungu, unyonele bazi, kwavija moyo wangu okukimbilila gweye. Kuna imbeho ya mabawa gako nokimbilila, mbaka kukuzumbi dibite.

Zabuli 81:13

Maza wanhu wangu wanitegeleze, maza iwanhu wa Izilaeli wahakweleleze nzila zangu,

Zabuli 91:4

Kokugubika kwa mitipilo yake, hasi ya mabawa gake kopata kimbililo, kutamanilwa kwake kokuwa kamba ngao na zindiko.

Matayo 22:3

Kawatuma wasang'hanaji zake wawalongele waja wagonekigwe weze kuna idizengele, lakini waja wagonekigwe walema kwiza.

Matayo 22:6

Wayagwe wawagoga wasang'hanaji zake, wawatowa na kuwakoma.

Luka 15:28

“Ija imwana mkulu kagevuzika ng'hani, avo kalema kwingila mng'anda. Tatake kalawa kunze na kumpula yengile mng'anda.

Luka 19:44

Okuhondahonda gweye na wanhu zako weli muuluwa wako. Kuduhu hata dibwe dimoja donda disigazigwe uchanha ya diyagwe, kwavija hukijuwile kipindi kiyezile Imulungu kukukombola!”

Luka 23:28

Yesu kahinduka kawalongela, “Mweye kina mama wa Yelusalemu! Sikumunililile niye, lakini ililileni wenyego na wanenu.

Sang'hano 7:52

Vino hana mtula ndagu yoyose wa Imulungu wahenga zenu wamulekile kumdununza? Wawakoma wasenga wa Imulungu wao kulawa umwaka walongile kwiza kwa Msang'hanaji wake Yanogile. Na sambi mumuhinduka na kumkoma.

Sang'hano 7:59

Viwakalile omtowa mabwe Sitefano kapula, “Mndewa Yesu, ibokele loho yangu!”

Sang'hano 8:1

Nayo Sauli kona vinoga kukomigwa kwa Sitefano. Mna izisiku azo wanhu wamtogole Yesu ako Yelusalemu wasonga kudununzigwa vihile. Wanhu wose wamtogole Yesu, wahaleka watumigwa, wakala wapwililike mwiisi iyo ya Yudea na Samalia.

Kumbukumbu 32:29

Maza wakalile na nzewele wahajuwile habali wahumwa, na wahajuwile kimambukizo chao chokuwa vilihi.

Kumbukumbu 5:29

Maza wagelegezaga vivo siku zose na kunidumba niye na kugoga malagizo gangu! Wahagendelele vinogile hewo wenyego na ulelo wao siku zose.

Ugubulo 11:8

Mitufi yao yokala mna zinzila za buga kulu, hanhu hayawambigwe Mndewa wao. Twaga da kugwaza da buga dijo Sodoma hebu isi ya Misili.

Lusi 2:12

Mndewa Imulungu yakutendele ganogile kwa gose gautendile. Mndewa Imulungu, Imulungu wa Izilaeli yumkimbilile kamba kinziya yomkimbilila mamake, yakulihe ng'hani.”