Luka 13:24 - Biblia Kikutu

²⁴ “Gangamaleni mwingile kubitila ulwivi msisili, kwavija wanhu wengi olonda kwingila lakini honda wadahe bule.

Luka 13:24 ပူးပေါင်းရင်းမြစ်များ

Nongezi 14:6

Yeli na bezi kouzahila ubala na honda yaupate bule, lakini yeli na nzewele kopata kutanga vinhu kwa kubuha.

Nongezi 21:25

Kusulukila ng'hani kwa mnyeke kokuwa ifa yake, kwavija mikono yake yolema kusang'hana.

Matayo 11:12

Kulawa kipindi cha Yohana Mbatizaji mbaka sambi, wanhu waulema kwa nguvu Undewa wa kuulanga na wanhu wene nguvu ogeza kuuboka.

Luka 13:23

Munhu imoja kamuuza, “Go mkulu, vino onda wakomboligwe wanhu wadodo waiyeka?” Yesu kawedika,

Luka 21:36

Muiteganye na mupule siku zose, ili mudahe kuhonyeka mna zimbuli zose zino zondazilawilile na kwima haulongozi wa Mwana wa Munhu.”

Yohana 13:33

Wanangu, nokala na mweye kipindi kidodo. Monizahila, lakini nowalongeleni gaja ganiwalongele wakulu wa Wayahudi, ‘Hamudaha kuchola kuja kunyhola.’

Yohana 5:4

kwavija kuna kipindi msenga wa kuulanga kezaga na kugatibula gaja gamazi geli kudikolombo, na mtamu yoyose yahalongola kwingila mazi gahamala kutibuligwa, kohona utamu wowose uyali nao.

Yohana 6:27

Sikumuisang'hanile ndiya inangika, lakini muisang'hanile ndiya igala ugima wa milele. Ino ayo ndiya yonda yawagwee Mwana wa Munhu, kwavija Imulungu Tata kamsagula.”

Yohana 7:34

Monizahila, lakini honda munyone, kwavija hamudaha kwiza hanhu hanili.”

Yohana 8:21

Yesu kawalongela kabili, “Niye nosegela, mweye monizahila, lakini mofa na nzambi zenu. Hamudaha kuchola kuja kunyhola.”

Walumi 10:3

Kwavija hawajuwile vija Imulungu viyowatenda wanhu wanoge mgameso gake, lakini wao watenda viwogesa, avo walema kutogola vija Imulungu viyowatenda wanhu wanoge mgameso gake.

Wakolosai 1:29

Kwa mbuli ayo niye nosang'hana ng'hani na kuwamba kusang'hanila nguvu ng'hulu ya Kilisito, isang'hana mgati mmwangu.

Waebulania 4:11

Avo tuwambeni kwingila hanhu ha kubwihila, ili sikuyalawilile munhu yoyose kumwenu yonda yaleme kutegeleza kamba viwatendile wao.

Yoshua 7:3

Viwabwelile wamulongela Yoshua, “Sikuwachole wanhu wose, ila wachole wanhu kamba elufu mbili hebu ndatu wakadivamile dibuga da Ai. Sikuuwagaze iwanhu wose wachole kuko kwavija iwanhu wa buga dijo wadodo.”

2 Petulo 1:10

Avo ndugu zangu, wambeni ng'hani kutenda lukemo mukemigwe na Imulungu na kusaguligwa kwenu kamba kinhu cha ukweli. Kwavija kamba mwahatenda mbuli azo hamugwa ng'oo.