Luka 12:8 - Biblia Kikutu

⁸ “Nowalongeleni ukweli, munhu yoyose yonitogola niye mgameso ga wanhu, Mwana wa Munhu nayo komtogola mgameso ga wasenga wa Imulungu.

Luka 12:8 ပူးပေါင်းရင်းမြစ်များ

Zabuli 119:46

Nozilonga amuli zako kuulongozi wa iwandewa, na sikona kinyala bule.

Matayo 8:20

Yesu kamwidika, “Vizongo wana mhango na ndege wana mvulu, lakini Mwana wa Munhu kabule hanhu ha kubwihila.”

Luka 15:10

Vivija nowalongela, wasenga wa Imulungu odeng'helela mbuli ya munhu imoja mwene nzambi yahaleka nzambi zake.”

2 Timoseo 2:12

Kamba twahagendelela kufunga umoyo, vivija totawala hamoja nayo. Kamba twahambela, na heyo vivija kotubela.

1 Yohana 2:23

Munhu yoyose yombela Mwana, vivija kombela Tata, na munhu yoyose yomtogola Mwana, vivija komtogola Tata.

Ugubulo 2:10

Sikuudumbe gaja gonda gakutende ugaye. Tegeleza! Mwenembago kowageza na wanhu wayagwe kumwenu ogodekigwa mkifungo, na mogaya kwa siku longo, mukale kwa kutamaniligwa kwa chochose hata kamba kufa, na niye nowagwaa nhunza ya ugima.

Ugubulo 2:13

Nihajuwa hanhu aho houkala, aho kili kigoda cha undewa wa Mwenembago. Lakini gweye kwa mkweli kumwangu, hulekile bule kunitamanila hata mna ikipindi kija munhu wangu Antipasi yotamaniligwa mna ikila kiyolonga, viyakomigwe aho hakili kigoda cha Mwenembago.

1 Samweli 2:30

“Avo Mndewa Imulungu, Imulungu wa Izilaeli, kolonga vino, ‘Niiduwila kamba ulelo wako na ulelo wa muhenga wako osang'hana kuulongozi wangu milele.’ Lakini sambi Mndewa Imulungu kolonga, ‘Mbuli ayo iwe kutali na niye, kwavija nowagesa wose onigesa niye na wose onibezeli na niye nowalema.