Luka 12:32 - Biblia Kikutu

³² “Sikumudumbe mweye kibumbila kidodo cha wanahina zangu, kwavija Tataenu kanogelwa kuwagwaa mweye Undewa.

Luka 12:32 ပူးပေါင်းရင်းမြစ်များ

Matayo 14:27

Bahaja Yesu kawalongela, “Gangamaleni! Iyo nene! Sikumudumbe!”

Matayo 20:16

Yesu kamambukiza kulonga, “Avo wose weli wa ikimambukizo sambi okuwa wa ichanduso kumwande, na wose weli wa ichanduso sambi okuwa wa ikimambukizo kumwande.”

Matayo 25:34

Abaho Mndewa kowalongela waja wakalile mwambu wa mkono wake wa kudila, ‘Izoni mweye munogeligwe na Tatangu! Bokeleni uhazi wenu, undewa umutandiligwe tangu kulumbigwa kwa isi.

Matayo 7:15

“Iteganyeni na watula ndagu wa uvizi. Owezila kwa kukoneka kwa kunze kamba ng'hondolo, lakini mgati mmwao waigala na mbwizi.

Luka 10:21

Kipindi kija Yesu kadeng'helela kwa udahi wa Loho Yang'alile, kalonga, “Tata, Mndewa wa kuulanga na mwiisi! Nokutogola kwavija kuwafisa mbuli zino wanhu weli na nzewele na ubala, na kuwagubulila wana wadodo. Ona, Tata, vino vivo viulondile.

Yohana 18:36

Yesu kamulongela, “Undewa wangu hauli wa mwiisi ino. Maza undewa wangu uli wa mwiisi ino, wanahina zangu wahanigombele sikungogigwe na wakulu wa Wayahudi. Ka, undewa wangu hauli wa bahano bule!”

Sang'hano 20:28

Avo muiteganye wenyego, diloleni goya bumbila jose diyawagwelele Loho Yang'alile mdikalize. Waloleni goya wanhu wa Imulungu, yawapatile Imulungu kubitila damu ya Mwanage.

Sang'hano 20:29

Nojuwa goya nahasegela mbwizi wakali okwiza kumwenu, na odibananga bumbila dino.

Walumi 6:23

Kwavija fungu da nzambi ayo ifa, lakini nhunza ya Imulungu awo ugima ulibule uhelelo kwa kuilumba na Yesu Kilisito, Mndewa wetu.

1 Wakolinto 1:21

Kamba viili nzewele ya Imulungu, wanhu wa mwiisi hawadaha kumjuwa heyo kubitila nzewele zao wenyego. Lakini Imulungu kanogelwa kuwakombola waja omtogola kubitila usenga awo utuwapetela na ukoneka kwa wanhu weli na nzewele kamba ubozi.

Wafilipi 2:13

kwavija Imulungu ayo yosang'hana siku zose mgati mmwenu, kuwatenda musulukile kusang'hana kamba viyolonda mwenyego.

2 Wasesalonike 1:11

Lekaavo towapulila kwa Imulungu siku zose. Tompula Imulungu wetu yawatende mufaye muugima uyawakemele mukale. Tompula kwa udahi wake yatende kusulukila kwenu kuwe kutenda ganogile na kumambukiza sang'hano yenu ya kutamanila.

2 Wasesalonike 1:5

Gano gose golagusa kuwa Imulungu kotagusa kamba viilondigwa, na kulawa baho mofaya Muundewa wake umuugaiya mbuli yake.

Waebulania 12:28

Avo tumgwee nhogolwa Imulungu, kwavija tubokela undewa hautigisika. Tumgwee nhogolwa Imulungu na tumgwee ukulu onda umnogeze, kwa kumtegeleza na kwa bwembwe.

Yakobo 2:5

Ndugu zangu niwanogela, tegelezeni! Imulungu kawasagula wanhu okoneka wakiwa mwiisi ili wawe wagoli mditamanilo na wengile muundewa uja uyawalongele kowagwaa wanhu omnogela.

2 Petulo 1:11

Abaho motogoleligwa ng'hani kwingila muundewa wa milele wa Mndewa wetu na Mkombola wetu Yesu Kilisito.

Ugubulo 1:6

na katutenda tuwe undewa wa walava nhosa, tumsang'hanile Imulungu, Tatake. Yesu Kilisito yagweleligwe ukulu na nguvu siku zose! Ona.

Ugubulo 22:5

Honda kuwe na ikilo kabili, na wanhu okala mumo honda walonde taa hebu zuwa, kwavija Mndewa Imulungu kokuwa mulenge wao, na otawala kamba wandewa siku zose.