Luka 12:20 - Biblia Kikutu

²⁰ Lakini Imulungu kamulongela, ‘Gweye kwa mbozi! Kilo cha lelo noulonda ugima wako, abaho vinhu vose vino viuikile vokuwa va nani?’ ”

Luka 12:20 ပူးပေါင်းရင်းမြစ်များ

Zabuli 39:6

Kila munhu kamba nzozi kochola kuno na kuno, koigaza na vinhu vingi lakini kogaya bule, Kokwika vinhu lakini hajuwa nani yonda yasole.

Zabuli 49:10

Avo wose okona kamba iwanhu wabala odanganika, na wabozi na mizozolo vivija opotela, na owalekela iwanhu wayagwe vinhu vao vose.

Zabuli 73:19

Lola viwobanangwa himahima, osegeswa kwa bwembwe.

Zabuli 78:30

Wang'hali hawana mambukiza kuja acho kiwasulukile, ndiya viikalile ing'hali mmulomo,

Nongezi 10:2

Ugoli upatikana kwa gehile haufaya, lakini haki yokombola kulawa mwiiifa.

Nongezi 11:4

Ugoli haufaya kinhu siku ya ng'hasiliki, lakini haki yokombola kulawa mwiiifa.

Nongezi 13:7

Munhu imoja koitenda mgoli kumbe kabule kinhu, na munhu iyagwe koitenda mkiwa kumbe mgoli.

Nongezi 27:1

Sambi uitape mbuli ya mayo, hutanga choni chonda kilawile lelo.

Nongezi 28:8

Munhu yokwengeza ugoli wake kwa liba, komzahilila munhu iyagwe yowonela bazi wakiwa.

Luka 11:40

Mweye mwa wabozi! Vino siyo Imulungu yavitendile va kunze na va mgati vivija?

1 Wasesalonike 5:3

Wanhu vondawalonge, “Kuna tindiwalo na kuhola,” baho ubananzi owezila kwa kusinhukiza, kamba usungu wa kulela viumwizila mtwanzi yoifungula mwana, na wanhu hawahonyeka bule.

1 Timoseo 6:17

Walagize wanhu weli wagoli wa vinhu va mwiisi ino sikuwaitape, na kulolela vinhu avo, lakini wamulolele Imulungu yeli na moyo unogile yotugwaa kila kinhu tudeng'helele.

1 Timoseo 6:7

Hatugalile kinhu chochose mwiisi wala honda tusegele na kinhu chochose.

Yakobo 4:14

Mweye hamujuwile ugima wenu mayo vonda uwe! Ugima wako una choni? Mweye muigala na kungugu dolawilila kwa kipindi kidodo na kulawanya.