Luka 11:4 - Biblia Kikutu

⁴ Uzigele kumgongo nzambi zetu, kamba vija siye vituzigela kumgongo nzambi za wanhu. Sikuutugele mmagezo.’ ”

Luka 11:4 ပူးပေါင်းရင်းမြစ်များ

Mwanduso 48:16

na msenga wa kuulanga yanihonyile na gehile gose yawatambikile wabwanga wano! Wakemigwe kwa twaga jangu na matwaga ga wahenga zangu Abulahamu na Isaka, wawe na wana wengi na ulelo mkulu.”

Zabuli 121:7

Mndewa Imulungu kokukaliza na gehile gose, koukaliza goya ugima wako.

Zabuli 25:11

Mbuli ya twaga jako, gweye Mndewa Imulungu, ugele kumgongo nzambi yangu ino kwavija ng'hulu.

Zabuli 25:18

Ugalole magazo gangu na madununzo gangu, uzigele kumgongo nzambi zangu zose.

Matayo 18:35

Yesu kamambukiza, “Vino vivo Tatangu yeli kuulanga vonda yawatendeleni mweye, kamba hamuzigela kumgongo mbuli za ndugu zenu kwa mizoyo yenu yose.”

Matayo 26:41

Kaleni meso mumpule Imulungu sikumwingile mna ukugezigwa, moyo wa munhu olonda kutenda ganogile, lakini lukuli lwabule nguvu.”

Luka 11:5

Abaho Yesu kawalongela wanahina zake, “Munhu gani kumwenu yeli na mbwiga yahamcholela kilo kikulu na kumulongela, ‘Mbwigangu, ng'hopeshe magate madatu,

Luka 13:4

Hebu mogesa wanhu waja longo na wanane wafile kwa kulagaliligwa na lingo ako Siloamu wakala na nzambi nyingi kubanza wanhu wose kudibuga da Yelusalemu?

Luka 22:46

Kawalongela, “Habali mowasa? Lamukeni mumpule Imulungu, sikumwingile mna ukugezigwa.”

Luka 8:13

Mbeyu zilagalile mdibwe zolagusa wanhu waja oihulika mbuli ya Imulungu na kuibokela kwa kudeng'helela, lakini mbuli ayo haika mizizi mgati mmwao. Oitogola kwa kipindi kidodo, lakini wahagezigwa oileka mbuli ayo.

Yohana 17:15

Sikupula bule uwasegese mwiisi, lakini nokupula uweke goya kulawa kwa ija Imdumuka.

1 Wakolinto 10:13

Kugezigwa kwenu siyo kilozo kwa wanhu. Lakini Imulungu kotenda kiyalongile, na honda yatogole mugezigwe kubanza nguvu zenu. Hamoja mogezigwa, lakini kowagwaa nguvu ya kugangamala na kowagwaa nzila ya kulawila.

Wakolosai 3:13

Geleni kitumbe kumgongo na kugela kumgongo kamba imoja wenu kana kitala kwa miyage. Molondigwa mugele kumgongo kamba Mndewa viyagelile kumgongo nzambi zenu.

2 Wasesalonike 3:3

Lakini Mndewa kotamaniligwa, kowagangamiza mizoyo yenu na kowahonya kulawa mmakono ga ija Imdumuka.

2 Timoseo 4:18

Mndewa komhonya na gehile gose, na konigala muundewa wake wa kuulanga. Ukulu uwe kwa Imulungu siku zose. Ona.

Yakobo 2:13

Kwavija Imulungu kotagusa bila bazi kwa munhu yoyose yelibule bazi. Lakini munhu yeli na bazi hadumba kutagusigwa.

Ugubulo 2:10

Sikuudumbe gaja gonda gakutende ugaye. Tegeleza! Mwenembago kowageza na wanhu wayagwe kumwenu ogodekigwa mkifungo, na mogaya kwa siku longo, mukale kwa kutamaniligwa kwa chochose hata kamba kufa, na niye nowagwaa nhunza ya ugima.

Ugubulo 3:10

Kwavija gweye kudigoga lagizo jangu da kufunga umoyo, na niye nokuhonya na magayo gonda geze mwiisi yose, kuwageza wanhu wose okala mwiisi.