Luka 11:2 - Biblia Kikutu

² Yesu kawalongela, “Mwahampula Imulungu, longeni vino. ‘Tataetu uli kuulanga. Twaga jako ditogoligwe, Undewa wako wize.

Luka 11:2 ပူးပေါင်းရင်းမြစ်များ

Zabuli 103:20

Mtogoleni Mndewa Imulungu mweye iwasenga zake, mweye muli magalu mudigoga lagizo jake, na moitegeleza sauti ya lagizo jake.

Zabuli 108:5

Gweye Imulungu utogolwe uchanha kuulanga, na hasi mwiisi ukale ukulu wako.

Zabuli 11:4

Mndewa Imulungu ka mng'anda yake ing'ala, kigoda cha undewa cha Mndewa Imulungu cha kuulanga, kwa meso gake kowalola iwanhu, na kojuwa gose gotendigwa.

Zabuli 57:11

Gweye Imulungu, utogolwe uchanha kuulanga, na isi yose imemezwe ukulu wako.

Walawi 10:3

Musa kamulongela Haluni, “Vino avo viyalongile Mndewa Imulungu, ‘Noilagusa kamba niye ning'ala kwa wanhu wose onda weze behi yangu, na notogoligwa mgameso ga wanhu wose!’” Haluni kanyamala tuluu.

Walawi 22:23

Ng'ombe hebu mwana ng'hondolo yeli na maungo makulu hebu madodo kubanza viilondigwa kodaha kumulava nhosa ya kulonda mwenyego, lakini sikuumulave kamba nhosa ya kutenda kija kiulongile.

Matayo 10:32

“Munhu yoyose yonitogola niye mgameso ga wanhu na niye nomtogola mgameso ga Tatangu yeli kuulanga.

Matayo 3:2

Kawalongela, “Lekeni nzambi zenu kwavija Undewa wa kuulanga wammabehi!”

Matayo 5:16

Vivo ili kumwenu mweye, mulenge wenu uwamwemwesele wanhu wagone gaja ganogile gomtenda ili wamtogole Tataenu yeli kuulanga.

Luka 11:1

Siku dimoja Yesu kakala hanhu kompula Imulungu. Viyamambukize, mwanahina wake imoja kamulongela, “Mndewa, tufundize kupula, kamba vija Yohana viyawafundize wanahina zake.”

Walumi 1:7

Avo nowandikila mweye mose mukala ako Lumi, mweye munogeligwe na Imulungu na kawasagula muwe wanhu zake wang'alile. Ng'hekewa na tindiwalo kulawa kwa Imulungu Tataetu na Mndewa Yesu Kilisito vikale na mweye mose.

Walumi 8:15

Kwavija Imulungu hawagwelele bule Loho wa kuwatenda muwe watumwa kabili na kuwagela bwembwe, lakini kawagwaa Loho wa kuwatenda wana. Na kwa udahi wa Loho tomkema Imulungu, “Tata!”

1 Wakolinto 1:3

Imulungu Tataetu na Mndewa Yesu Kilisito wawagwee ng'hekewa na tindiwalo.

2 Wakolinto 1:2

Imulungu Tataetu na Mndewa Yesu Kilisito wawagwee ng'hekewa na tindiwalo.

Wagalatia 1:4

Kwa kutegeleza viyolonda Tataetu Imulungu, Kilisito kailava mwenyego kwa nzambi zetu, ili yatukombole na nzambi za wanhu wa lukolo luno lwa sambi.

Waefeso 1:2

Imulungu Tataetu na Mndewa wetu Yesu Kilisito wawagwee ng'hekewa na tindiwalo.

Wafilipi 1:2

Imulungu Tataetu na Mndewa Yesu Kilisito wawagwee ng'hekewa na tindiwalo.

Wafilipi 4:20

Ukulu uwe kwa Imulungu Tataetu siku zose! Ona.

Wakolosai 1:2

towandikila mweye ndugu zetu, wanhu wa Imulungu mumtogole goya Kilisito, muli ako Kolosai, Imulungu Tataetu yawagwee ng'hekewa na tindiwalo.

1 Wasesalonike 1:1

Niye Paulo, Sila na Timoseo, tomwandikileni mweye kibumbila cha wanhu mumtogole Kilisito ako Sesalonike, wanhu wa Imulungu Tata na Mndewa Yesu Kilisito. Ng'hekewa na tindiwalo vikale na mweye.

1 Wasesalonike 1:3

Avo, mgameso ga Imulungu Tataetu, tokumbuka vimulagusa kumtamanila kwenu kwa kusang'hana, na unogelwa wenu uwatendile musang'hane kwa kuwamba, na tamanilo jenu kwa Mndewa wetu Yesu Kilisito vidigangamale.

2 Wasesalonike 2:16

Tompula Mndewa wetu Yesu Kilisito mwenyego na Imulungu Tataetu, yatunogele, na mna ing'hekewa katugela moyo siku zose na tamanilo dinogile,

Ugubulo 11:15

Abaho msenga wa saba wa kuulanga katowa mhalati yake, kukala na sauti ng'hulu kuulanga, ilonga, “Sambi undewa wa mwiisi wa Mndewa Imulungu wetu na Kilisito iyamsagule. Nayo kotawala siku zose!”

Ugubulo 15:4

Vino nani yoleka kukudumba gweye Mndewa? Vino nani yoleka kudigwaa ukulu twaga jako? Gweye wiiyeka ayo ung'alile. Wanhu wa isi zose okwiza kumwako na kukutambikila, kwavija kulagusa kotagusa bila kubagula.”

Ugubulo 19:6

Abaho mhulika kinhu kamba sauti ya lunhu mkulu lwa wanhu na sauti ya mazi mengi vigokilima na mdudumo, ilonga, “Imulungu yatogoligwe! Kwavija Mndewa Imulungu wetu yeli na Udahi wose kotawala!

Ugubulo 20:4

Abaho nyona vigoda va undewa, na wanhu wavikalile wagweleligwa udahi wa kutagusa. Vivija nyona loho za wanhu waja wakanhigwe mapala mbuli ya kugoga ukweli ugubuligwe na Yesu na mbuli ya kuwapetela wanhu mbuli ya Imulungu. Hawaditambikile dija ding'onyo hebu sanamu yake, vivija hawekigwe kilaguso mvihanga vao hebu mmakono gao. Wagweleligwa ugima kabili na olongoza hamoja na Kilisito kwa miyaka elufu imoja.