Luka 10:34 - Biblia Kikutu

³⁴ Kamcholela, kamgela mavuta na divai mna ivilonda vake na kavifunga goya. Abaho kamkweza mumgongo wa kihongwe wake, kamgala mbaka kuna ing'anda ya wageni na kumulolesa goya.

Luka 10:34 ပူးပေါင်းရင်းမြစ်များ

Mwanduso 42:27

Mnzila, viwavikile hanhu ha kuwasa wanhu baki, imoja wao kafungula mkoba wake ili yamgwee ndiya kihongwe wake, kakanganya kona sente yake ya mmulomo wa mkoba wake.

Zabuli 147:3

Kowahonya wahondigwe mizoyo, na kovifunga vilonda vao.

Kulawa 4:24

Viyakalile yang'hali mnzila kobwela Misili, Musa kakala mng'anda ya kuwasa wageni, Mndewa Imulungu kamcholela kalonda kumkoma.

Maluko 14:8

Mtwanzi ino katenda viyadahile, kalongola kulubakaza lukuli lwangu mavuta ganogile, kulutanda kwa kuzikigwa.

Luka 10:33

Lakini Msamalia imoja yakalile muumwanza kavika aho hayakalile munhu ija. Nayo viyamone, kamonela bazi.

Luka 10:35

Imitondo yake kalava sente kamgwaa mwene ng'anda, kamulongela, ‘Mulolese goya munhu ino. Chochose chonda umsang'hanile, nahabwela nokugwaa fungu jako.’ ”

Luka 2:7

Kaifungula mwanage wa chaudele wa kimbigalo, kamvaza vikumbi. Abaho kamtambaliza hanhu hoodimiligwa ng'ombe, kwavija hawapatile gati mzing'anda za wageni.

Walumi 12:20

Lakini, vivija Maandiko Gang'alile golonga, “Kamba munhu yakwihile kokona nzala mgwee ndiya yaje, yahakona ng'hilu mgwee mazi yang'we, kwavija kwa kutenda avo komtenda yagwe kinyala na kohulika usungu muumoyo wake kamba usungu wa kumkutulila makala ga moto mdipala.”

1 Wasesalonike 5:15

Loleni munhu yoyose sikuyamulihe miyage gehile kwa gehile, lakini kipindi chose muwambe kuitendela ganogile mweye kwa mweye na kwa wanhu wose.