Luka 10:28 - Biblia Kikutu

²⁸ Yesu kamwidika, “Kulonga goya, tenda vivo na gweye kokuwa na ugima.”

Luka 10:28 ပူးပေါင်းရင်းမြစ်များ

Nongezi 19:16

Yogagoga malagizo kowika goya ugima wake, yogabezeli malagizo kofa.

Walawi 18:5

Gogeni malagizo gangu na gaja goniwalongela kwavija munhu yogagoga kokuwa mgima kubitila gago, niye ayo Mndewa Imulungu.

Matayo 19:17

Yesu kamulongela, “Habali koniuza mbuli ya kinhu kinogile? Kuna imoja yaiyeka yanogile. Wahalonda kwingila muugima wa milele, gagoge malagizo ga Imulungu.”

Maluko 12:34

Yesu viyonile munhu ayo kedika goya, kamulongela, “Huli kutali na Undewa wa Imulungu.” Kusongela aho haduhu munhu yoyose yagezile kumuuza Yesu mbuli yoyose.

Luka 7:43

Simoni kamwidika, “Vinikona niye kokuwa ija yalekeleligwe sente nyingi.” Yesu kalonga, “Kulonga goya.”

Walumi 10:4

Kwavija Kilisito viyezile, keza kugamambukiza Malagizo, avo munhu yoyose yomtogola Kilisito kotendigwa kanoga mgameso ga Imulungu.

Walumi 3:19

Sambi tojuwa kuwa Malagizo ga Imulungu gahalonga, golonga kwa wanhu wose olongozigwa na Malagizo, ili wanhu sikuwaigombele, na wanhu wose wa mwiisi watagusigwe na Imulungu.

Walumi 7:10

Vinikona niye, malagizo gagesigwe gogala ugima, gagala ifa.

Wagalatia 3:12

Lakini Malagizo siyo mbuli ya kumtamanila Imulungu, lakini Maandiko Gang'alile golonga, “Munhu yoyose yotenda mbuli zilondigwa na Malagizo kokala kwa mbuli zizo.”

Kumbukumbu 6:24

Avo, Mndewa Imulungu katulagiza tugoge malagizo gano gose na tumdumbe heyo Mndewa Imulungu, Imulungu wetu ili tumwede na tukale wagima kamba vitwili lelo.