Luka 10:21 - Biblia Kikutu

²¹ Kipindi kija Yesu kadeng'helela kwa udahi wa Loho Yang'alile, kalonga, “Tata, Mndewa wa kuulanga na mwiisi! Nokutogola kwavija kuwafisa mbuli zino wanhu weli na nzewele na ubala, na kuwagubulila wana wadodo. Ona, Tata, vino vivo viulondile.

Luka 10:21 ပူးပေါင်းရင်းမြစ်များ

Zabuli 24:1

Isi na vose vili mumo vake Mndewa Imulungu, isi yose na wose okala mumo vake heyo.

Zabuli 25:14

Mndewa Imulungu mbwiga wa awo omdumba, heyo kowakumbusa lagano jake.

Zabuli 8:2

Mmilomo ya wana na ving'hele kuikila ngome kwa awo okwihila, kuwatenda wanyamale awo okwihila na awo okulema.

Matayo 16:17

Yesu kamwidika, “Kumweda gweye Simoni, mwanage Yohana, kwavija mbuli yuulongile hufunzigwe na munhu, ila ilawa kwa Tatangu yeli kuulanga.

Matayo 21:16

Avo wamuuza Yesu, “Vino kohulika viwolonga wana wano?” Yesu kawedika, “Mhulika, hamugasomile gaja Gamaandiko Gang'alile golonga, ‘Muwafundiza wana na ving'hele kulava nhogolwa inogile.’ ”

Matayo 3:7

Yohana viyawone Mafalisayo na Masadukayo wengi omwizila yawabatize, kawalongela, “Mweye mizoka nani yawalongele modaha kuikimbila nhaguso yonda igaligwe na Imulungu?

Maluko 10:15

Nowalongeleni ukweli, munhu yoyose yolema kuubokela Undewa wa Imulungu kamba mwana mdodo, honda yengile ng'o.”

Luka 15:5

Yahampata, kodeng'helela na kumwika mmaega gake,

Luka 15:9

Yahaipata, kowakema hamoja mbwiga zake na wanhu weli behi yake, kowalongela, ‘Nodeng'helela ng'hani kwavija niipata sente yangu ipotele. Avo tudeng'helele hamoja!’

Yohana 11:41

Wadikwesa hamgwazo idibwe, Yesu kalola uchanha kalonga, “Nokugwaa nhogolwa gweye Tata, kwavija konhegeleza.

2 Wakolinto 4:3

Avo kamba Mbuli Inogile ituwapetela wanhu ifisigwa, ifisigwa kwa hewo opotela.

Waefeso 1:11

Kwa kuilumba na Kilisito, siye tusaguligwa tuwe wanhu zake kamba viyalondile Imulungu toka mwaka. Imulungu kotenda kila kinhu kamba viyolonda mwenyego.

Waefeso 1:5

toka mwaka kalonda kututenda wanage kubitila Yesu Kilisito, vivo viyanogelwe na viyalondile.