Luka 1:6 - Biblia Kikutu

⁶ Wose wabili wakala otenda ganogile mgameso ga Imulungu, na kugagoga Malagizo gose ga Mndewa Imulungu.

Luka 1:6 ပူးပေါင်းရင်းမြစ်များ

Mwanduso 17:1

Abulamu viyavikize miyaka malongo tisa na tisa, Mndewa Imulungu kamulawilila, kamulongela, “Niye na Imulungu yeli na Udahi wose, nhegeleze na utende ganogile.

Mwanduso 6:9

Zino azo simulizi za Nuhu na ulelo wake. Nuhu kakala munhu yotenda ganogile, na kakala munhu yelibule kitala mna iwanhu wa kipindi acho. Nuhu kakala koilumba na Imulungu.

Mwanduso 7:1

Mndewa Imulungu kamulongela Nuhu, “Ingila mdisafina gweye na wanhu wa mng'anda yako, kwavija mna iwanhu wose iwokala sambi mwiisi gweye wiiyeka ayo utenda ganogile.

Zabuli 119:6

Abaho niye sigwa kinyala bule, nahagagelegeza malagizo gako gose.

Luka 1:7

Wakala wabule wana kwavija Elizabeti kakala mgumba, na wose wabili wakala wavele.

Luka 16:15

Yesu kawalongela, “Mweye awo wanhu muitenda munoga mgameso ga wanhu, lakini Imulungu kaijuwa mizoyo yenu. Kwavija vinhu vikoneka vinoga ng'hani kwa wanhu, mgameso ga Imulungu vokoneka viha.

Luka 2:25

Kipindi acho kukala na munhu yokala Yelusalemu, twaga jake Simeoni. Munhu ayo kakala yotenda goyolonda Imulungu na komdumba Imulungu. Vivija kakala yobetela ukombola wa Izilaeli, na Loho Yang'alile kakala hamoja nayo.

Sang'hano 2:25

Kwavija Daudi kalonga mbuli yake, ‘Nimona Mndewa ka haulongozi wangu siku zose, kahabehi yangu, na niye sigwaya bule.

Sang'hano 23:1

Paulo kawalola bunhuu wanhu wa mkitala, kalonga, “Waizilaeli wayangu! Mbaka lelo nosang'hana goyolonda Imulungu kwa moyo uleka kunitagusa kamba nibananga.”

Sang'hano 24:16

Avo siku zose niiyoha ng'hani sambi niwe na moyo unitagusa kamba nibananga mgameso ga Imulungu na mgameso ga wanhu.”

Sang'hano 8:21

Kuduhu hanhu hohose mwiisang'hano yetu, kwavija moyo wako haugesa ganogile mgameso ga Imulungu.

Walumi 8:4

Imulungu katenda vivo ili gaja galondeke mna Gamalagizo ga Musa gatendeke mgati mmwetu, siye tukala muugima wa Loho Yang'alile, na siyo lukuli lumemile nzambi.

1 Wakolinto 11:2

Nowagwaa nhogolwa kwa kung'humbuka niye kwa kila kinhu na kugagoga mafundizo ganiwagwee.

2 Wakolinto 1:12

Siye toigodela kinhu kimoja, mizoyo yetu yotulongela vitukala mwiisi ino, ng'hani ng'hani vituilumba na mweye, kwa kung'ala na ukweli kulawa kwa Imulungu. Tutenda vivo siyo kwa kulongozigwa na nzewele za wanhu wa mwiisi, lakini kwa ng'hekewa ya Imulungu.

Kumbukumbu 5:33

Kwelelezeni gose gayawalagize Mndewa Imulungu, Imulungu wenu ili muwe wagima na mugendelele goya na mukale siku nyingi mwiisi yonda muisole.

Wafilipi 2:15

ili munoge na mung'ale na muwe wana wanogile wa Imulungu, okala mwiisi ya wanhu wapotele na wene nzambi. Mweye mong'ala hagati yao kamba nhondo zili kuulanga,

Wakolosai 1:22

Lakini sambi kwa ifa ya lukuli lwa Mwanage, Imulungu kawatenda muilumbe nayo, ili yawagale kumwake kuno mung'ala, mwabule ubananzi na mwabule kitala.

1 Wasesalonike 3:13

Avo koigangamiza mizoyo yenu, na mweye mokuwa mduhu kitala na mong'ala mgameso ga Imulungu wetu na Tataetu kipindi Mndewa wetu Yesu vonda yeze hamoja na wose iyawasagule.

2 Petulo 3:14

Avo ndugu zangu, kwavija mobetela vinhu avo, wambeni ng'hani sikumoneke na chochose kihile, hebu kitala chochose mgameso ga Imulungu na muwe na tindiwalo kumwake.

1 Yohana 2:29

Kamba mojuwa kuwa Kilisito komnogeza Imulungu, mujuwe kila munhu yomnogeza Imulungu kaleligwa na heyo.

1 Yohana 2:3

Twahagagoga malagizo ga Imulungu, baho todaha kulonga kamba tumjuwa.

1 Yohana 3:7

Avo wanangu, sikumutogole kuviziligwa na munhu yoyose. Munhu yotenda gaja galondigwa na Imulungu komnogeza heyo kamba vija Kilisito viyamnogeze heyo.