Luka 1:15 - Biblia Kikutu

¹⁵ Kokuwa munhu mkulu mgameso ga Mndewa. Honda yang'we ugimbi hebu divai. Kokuwa na Loho Yang'alile kusongela mna iinda ya mamake.

Luka 1:15 ပူးပေါင်းရင်းမြစ်များ

Mwanduso 12:2

Nokutenda uwe na ulelo onda uwe kabila kulu. Nokutenda umwede na kuditenda twaga jako dijuwigwe ng'hani, na gweye kokuwa kilamuso cha wanhu wengi kumweda.

Mwanduso 48:19

Lakini tatake kalema, “Nojuwa mwanangu nojuwa. Manase vivija kokuwa munhu mkulu na kokuwa na wanhu wengi. Lakini imdodo kokuwa munhu mkulu kubanza heyo na wanhu wa ulelo wake okuwa makabila mengi.”

Zabuli 22:9

Lakini gweye ayo unilavile mmunda wa mamangu, kunitenda nikutamanile gweye mmatombo ga mamangu.

Walawi 10:9

“Gweye na wanago mwahengila mna dihema da mting'hano sikumung'we ugimbi hebu divai bule mofa. Lagizo dino mudigoge kwa ulelo wenu wose onda wize.

Luka 1:14

Kodeng'helela ng'hani na wanhu wengi odeng'helela kwa kuvumbuka kwake.

Luka 7:28

Yesu kamambukiza kulonga, “Nowalongela, Yohana ni munhu mkulu kubanza munhu yoyose yakalile mwiisi. Lakini yeli mdodo Muundewa wa Imulungu ni munhu mkulu kubanza Yohana.”

Luka 7:33

Yohana Mbatizaji keza, kafunga kuja na hang'wile divai, mweye mulonga, ‘Kana kinyamkela!’

Yohana 5:35

Yohana kakala kamba kiwenge kikwaka yangaduu, na mweye muudeng'helela mulenge wake kwa kipindi kidodo.

Sang'hano 2:4

Wanhu wose wamemezigwa Loho Yang'alile na wasonga kulonga kwa ulonzi uyagwe, kamba Loho viyawadahize kulonga.

Wagalatia 1:15

Lakini Imulungu kwa ng'hekewa yake kanisagula ning'hali sinavumbuka, kanikema nimsang'hanile.

Waefeso 5:18

Sikumukoligwe, kwavija ayo yowabananga, lakini mumemezigwe Loho Yang'alile.

Yoshua 3:7

Abaho Mndewa Imulungu kamulongela Yoshua, “Lelo nosonga kukwinula mgameso ga Waizilaeli ili wajuwe kamba nokuwa hamoja na gweye kamba vinikalile hamoja na Musa.

Yoshua 4:14

Siku dijo Mndewa Imulungu kamwinula Yoshua mgameso ga Waizilaeli wose, na wose wakanganya siku zose za ugima wake kamba viwakanganye kwa Musa.