Luka 1:13 - Biblia Kikutu

¹³ Lakini msenga wa kuulanga kamulongela, “Sikuudumbe, Zakalia! Imulungu kahulika kupula kwako. Mwehe wako Elizabeti kokulelela mwana wa kimbigalo, twaga jake komkema Yohana.

Luka 1:13 ပူးပေါင်းရင်းမြစ်များ

Mwanduso 17:10

Dino dijo lagano jangu, niye na gweye, na ulelo wako, kila mbigalo kumwenu kolondigwa yengile kumbi.

Mwanduso 17:19

Lakini Imulungu kamwidika, “Bule! Mwehe wako Sala kokulelela mwana wa kimbigalo, komgwaa twaga da Isaka. Heyo na wanhu wa ulelo wake nokwika nao lagano dilibule uhelelo.

Mwanduso 18:14

Vino, kuna kinhu chochose hakidahika kwa Mndewa Imulungu? Kamba vinongile, nobwela mkipindi kikigwe, mwehe wako Sala kolela mwana wa kimbigalo.”

Mwanduso 25:21

Lebeka kakala mgumba, avo Isaka kampula Mndewa Imulungu. Nayo Mndewa Imulungu kahulika kupula kwake na imwehe Lebeka kagoga inda.

Zabuli 113:9

Komgwaa deng'ho mtwanzi mgumba mng'anda yake, komsekeza kwa kumgwaa wana. Mndewa Imulungu yatogolwe.

Zabuli 118:21

Nokushukulu kwavija kunidika, gweye kwa ukombola wangu.

Matayo 1:21

Kolela mwana wa kimbigalo na gweye komgwaa twaga da Yesu, kwavija kowakombola wanhu zake mzinzambi zao.”

Matayo 14:27

Bahaja Yesu kawalongela, “Gangamaleni! Iyo nene! Sikumudumbe!”

Matayo 28:5

Msenga wa kuulanga kawalongela iwatwanzi, “Sikumudumbe, kwavija nojuwa momzahila Yesu yawambigwe mumsalaba.

Maluko 16:6

Kawalongela, “Sikumudumbe nojuwa momzahila Yesu wa Nazaleti yawambigwe mumsalaba. Kahaduhu hano, kazilibuka! Loleni hanhu hawamwikile.

Luka 1:14

Kodeng'helela ng'hani na wanhu wengi odeng'helela kwa kuvumbuka kwake.

Luka 1:30

Msenga ija kamulongela, “Malia, sikuudumbe, gweye kupata ng'hekewa ya Imulungu.

Luka 2:21

Mna isiku ya nane, siku ya kwingizigwa imwana kumbi, wamgwaa twaga da Yesu. Twaga ijo kagweleligwa na msenga wa kuulanga mamake hanagoga inda.

Sang'hano 10:31

kalonga, ‘Kolinelio! Imulungu kahulika viumpulile na kazitogola sang'hano zako za kuwataza wanhu wakiwa.

Wasemi 6:23

Lakini Mndewa Imulungu kamulongela, “Tindiwalo dikale na gweye! Sikuudumbe, hufa bule.”

1 Samweli 2:21

Mndewa Imulungu kamonela bazi Hana nayo kagoga inda na kalela wana wadatu wa kimbigalo na wana wabili wa kitwanzi. Imbwanga Samweli kagendelela kukula mna ukumsang'hanila Mndewa Imulungu.