Kupetigwa 9:13 - Biblia Kikutu

¹³ Lakini munhu yoyose yong'ala hebu heli mmwanza, yahaleka kuideng'helela nyimwilinyimwili ya Pasaka, yabaguligwe na wanhu zake kwavija hanilavile nhosa mna ikipindi kikigwe. Kolondigwa yatagusigwe kwa nzambi yake.

Kupetigwa 9:13 ပူးပေါင်းရင်းမြစ်များ

Mwanduso 17:14

Mbigalo yoyose yahaleka kwingila kumbi yabaguligwe na wanhu zake kwavija kadibena lagano jangu.”

Kulawa 12:15

Mndewa Imulungu kagendelela kulonga, “Kwa siku saba, muje magate hagageligwe hamila. Siku ya ichanduso ya siku azo saba musegese hamila mna izing'anda zenu, munhu yoyose yahaja gate digeligwe hamila mzisiku azo saba, kobaguligwa mna iwanhu wa Izilaeli.

Kulawa 12:19

Mna izisiku azo saba hamila sikuyoneke mzing'anda zenu. Na munhu yoyose, munhu baki hebu mwenekae yonda yaje kinhu chochose kili na hamila kobaguligwa mna iwanhu wa Izilaeli.

Kulawa 12:47

Waizilaeli wose olondigwa waideng'helele nyimwilinyimwili ino.

Kulawa 30:33

Munhu yoyose yonda yatende mavuta kamba gano, hebu yahamgidila munhu hafaya kugidiligwa mavuta gano, munhu ayo kobaguligwa na wanhu zake.’ ”

Kulawa 30:38

Munhu yoyose yonda yatende ubani kamba awo ili kudeng'helela viunung'hila kobaguligwa na wanhu zake.”

Walawi 17:10

“ ‘Munhu yoyose wa Izilaeli hebu mgeni yokala kumwao yoja damu, niye Mndewa Imulungu nomgevuzikila munhu ayo na nombagula na wanhu zake.

Walawi 17:4

na koleka kumgala mnyama ayo hana ulwivi lwa dihema da mting'hano ili yalavigwe nhosa kwa Mndewa Imulungu kuulongozi wa hanhu hong'ala, munhu ayo katenda nzambi ya kwita damu, kwavija keta damu avo yabaguligwe na wanhu wake.

Walawi 20:20

“ ‘Kamba munhu yahamuwasa mwehe wa tatake mkulu hebu mdodo, komgela kinyala tatake mkulu hebu mdodo, wose wabili ogaya kwa nzambi zao na wose wofa bila wana.

Walawi 22:9

“ ‘Avo walava nhosa wagagoge malagizo gangu ili sikuwatende nzambi na kufa. Niye ayo Mndewa Imulungu niwatenda wang'ale.

Walawi 24:15

Abaho walongele wanhu wa Izilaeli, ‘Munhu yoyose yomkudula Imulungu wake, koipapa mwenyego nzambi yake.

Kupetigwa 19:13

Munhu yoyose yahakwasa maiti na haisunha kodifitiza hema da Mndewa Imulungu na yabaguligwe na iwanhu wa Izilaeli. Munhu ayo kosigala yafitile kwavija hamiziligwe gaja gamazi ga kusegesa gehile.

Kupetigwa 19:20

“Lakini kamba munhu kafita na haisunhile bule, munhu ayo kobaguligwa na iwanhu wose kwavija kodifitiza hema da Mndewa Imulungu. Kwavija hamiziligwe gago gamazi ga kusegesa gehile, avo munhu ayo kokuwa kafita.

Kupetigwa 5:31

Imkasano kokuwa habanange kinhu, ila imtwanzi kolondigwa yagae kwa awo ubananzi wake.’ ”

Kupetigwa 9:7

wawalongela, “Siye tufita kwavija tukwasa maiti, avo habali togomesigwa kumulavila Mndewa Imulungu nhosa zake mna ikipindi kikigwe hamoja na Waizilaeli wayagwe?”

Waebulania 12:25

Avo iteganyeni sikumuleme kumtegeleza ija iyolonga na mweye. Wanhu waja walemile kumtegeleza ija yawazumile hano mwiisi hawahonyeke bule. Vino siye tohonyeka vilihi kamba twahalema kumtegeleza ija yotuzuma kulawa kuulanga?

Waebulania 2:3

Vino tohonyeka vilihi kamba hatuutonga ukombola mkulu kamba uno? Tanhu Mndewa mwenyego iyo yanduse kulonga mbuli ino ya ukombola, na waja wamuhulike watulagusila kuwa ya ukweli.

Waebulania 6:6

Kwavija kamba vija wamuwamba mumsalaba kabili Mwana wa Imulungu na kumuliga mgameso ga wanhu, kwa mbuli ayo wailumiza wenyego.

Waebulania 9:28

vivo ili vivija kwa Kilisito kalavigwa nhosa mwanza umoja kusegesa nzambi za wanhu wengi. Kolawilila mwanza wa kabili, hasang'hanila nzambi, ila kuwakombola wanhu waja ombeta kwa kusulukila.