Kupetigwa 8:12 - Biblia Kikutu

¹² Abaho Walawi weke makono gao mna gamapala ga awo iwang'ombe mbigalo, imoja umulave nhosa ya kusegesa nzambi, na iyagwe umulave nhosa ya kusoma moto ilavigwe kumwangu, ili uwatendele loholo awo Iwalawi.

Kupetigwa 8:12 ပူးပေါင်းရင်းမြစ်များ

Kulawa 29:10

“Abaho udigale dija dibofu da kimbigalo da ng'ombe haulongozi wa dihema da mting'hano. Haluni na wanage weke makono gao kudipala da idibofu.

Walawi 1:4

Munhu ayo yeke mkono wake mdipala da ng'ombe ayo yolavigwa nhosa, avo nhosa ayo yotogoligwa kamba nhosa ya kulohola nzambi zake.

Walawi 14:22

Vivija yagale huwa wabili hebu makinda mabili ga njiwa kamba vonda yadahe, kinda dimoja dokuwa mbuli ya nhosa ya kusegesa nzambi na diyagwe mbuli ya nhosa ya kusoma moto.

Walawi 16:11

“Haluni yamsole ing'ombe wa nhosa ya kusegesa nzambi zake mwenyego ili yatende loholo da nzambi mbuli yake mwenyego na mbuli ya wanhu wa mng'anda mmwake, abaho yamchinje ing'ombe ayo.

Walawi 16:21

Haluni yeke makono gake mdipala da ayo imbuzi yeli mgima na yatambule nzambi zose za wanhu wa Izilaeli, gehile gao na ubananzi wao wose na yawike mdipala da ayo imbuzi. Abaho yamulekese ayo imbuzi yachole kuluwala kuno kogaligwa na munhu yasaguligwe kwa sang'hana ayo.

Walawi 16:6

Haluni yamulave ayo ing'ombe wa kimbigalo kwa nhosa ya kusegesa nzambi zake mwenyego, na kutenda loholo da nzambi zake na wanhu wa mng'anda mmwake.

Walawi 4:15

Wavele wa wanhu wa Izilaeli weke makono gao mdipala da dibofu kuulongozi wa Mndewa Imulungu, na bofu dijo dichinjigwe aho kuulongozi wa Mndewa Imulungu.

Walawi 4:20

yatende kamba viyatendile kwa dija dibofu da ng'ombe wa nhosa ya kusegesa nzambi. Avo mulava nhosa kowatendela loholo mbuli ya nzambi zao, na nzambi zao zogeligwa kumgongo.

Walawi 4:35

Abaho yagalave mavuta gose kamba viyatendile kwa mavuta ga dibofu da ng'hondolo wa nhosa ya kugala kuilumba, na mulava nhosa yagasome moto uchanha ya upango wa nhosa, uchanha wa zinhosa zilavigwe kwa Mndewa Imulungu kwa moto. Avo mulava nhosa kotenda loholo da nzambi za munhu ayo na nzambi zake zogeligwa kumgongo.

Walawi 4:4

Yadigale bofu dijo hana ulwivi lwa dihema da mting'hano kuulongozi wa Mndewa Imulungu. Yeke mkono wake mdipala da dibofu na yadichinjile aho kuulongozi wa Mndewa Imulungu.

Walawi 5:7

“ ‘Lakini kamba yahalemelwa kugala ng'hondolo, yamgalile Mndewa Imulungu huwa wabili hebu makinda mabili ga njiwa, mbuli ya nzambi yake iyaitendile. Imoja kokuwa nhosa ya kusegesa nzambi na iyagwe kokuwa nhosa ya kusoma moto.

Walawi 8:14

Abaho Musa kamgala ing'ombe wa nhosa ya kusegesa nzambi, na heyo Haluni na wanage weka makono gao mdipala da ng'ombe ayo.

Walawi 8:15

Musa kamchinja ng'ombe ayo, kazabika kidole chake mwiidamu, kazibaka zimhembe nne za uupango wa kulavila nhosa na damu isigale kaigida hasi ya dako da upango wa nhosa. Kwa kutenda avo kautenda uupango ung'ale na kaulava kwa Mndewa Imulungu.

Walawi 8:18

Abaho Musa kagala ing'hondolo wa kimbigalo wa nhosa ya kusoma moto. Haluni na wanage weka makono gao mdipala da ng'hondolo ayo.

Walawi 8:34

Mndewa Imulungu katulagiza tuwatendele kamba vitutenda sambi ili nzambi zenu ziloholigwe.”

Walawi 9:7

Musa kamulongela Haluni, “Genda hana uupango wa nhosa, ulave nhosa ya kusegesa nzambi na nhosa ya kusoma moto ili kulohola nzambi zako na nzambi za wanhu wose. Lava nhosa ayo ya kulohola nzambi za wanhu kamba Mndewa Imulungu viyalagize.”

Kupetigwa 6:14

na yamulavile Mndewa Imulungu nhosa zake. Mwana ng'hondolo wa kimbigalo wa mwaka umoja yelibule kilema chochose mbuli ya nhosa ya kusoma moto, na mwana ng'hondolo wa kitwanzi wa mwaka umoja yelibule kilema chochose mbuli ya nhosa ya kusegesa nzambi, na ng'hondolo wa kimbigalo yelibule kilema chochose mbuli ya nhosa ya kugala kuilumba.

Kupetigwa 6:16

“ ‘Mulava nhosa yamulavile Mndewa Imulungu vinhu avo vose na vivija yalave inhosa ya kusegesa nzambi na nhosa ya kusoma moto.

Kupetigwa 8:13

“Abaho uwatende Walawi weme kuulongozi wa Haluni na wanage na uweke kuulongozi wangu kamba nhosa ya kwinuligwa uchanha.

Kupetigwa 8:8

Abaho wasole bofu dimoja bigalo da ng'ombe na nhosa ya ndiya, awo uusage unogile utibwilizigwe na mavuta. Vivija na gweye usole dibofu diyagwe da ng'ombe mbuli ya nhosa ya kusegesa nzambi.

Waebulania 9:22

Avo mna gamalagizo ga Musa kamba vija kila kinhu kisunhigwa kwa damu, na nzambi za wanhu zogeligwa kumgongo kamba damu yokwitigwa.