Kupetigwa 6:24 - Biblia Kikutu

²⁴ Mndewa Imulungu yawatendele ganogile na yawakalize.

Kupetigwa 6:24 ပူးပေါင်းရင်းမြစ်များ

Mwanduso 28:15

Niye na hamoja na gweye, kokose konda uchole niye nokulola na nokubweza mwiisi ino. Sikuleka mbaka vonda nisang'hane gaja ganikulongele.”

2 Samweli 7:29

Avo, nokupula kamba vokunogela, uutambikile ulelo wa msang'hanaji wako ili ulelo wangu usigale milele, kwavija gweye Mkulu Mndewa Imulungu kulonga, avo kwa ganogile gako, ulelo wa msang'hanaji wako otambikiligwa milele.”

Zabuli 134:3

Mndewa Imulungu, yalumbile ulanga na isi yose, yawatendele ganogile kulawa Sayuni.

Zabuli 17:8

Unikalize kamba imwana wa siso jako, unifise mna imbeho ya mabawa gako,

Zabuli 28:9

Imulungu uwakombole wanhu zako, uwatende wamwede iwanhu awo weli wako. Uwasusile na kuwataza milele.

Zabuli 91:11

Kwavija Imulungu kowalagiza wasenga zake mbuli yako, wakukalize mnzila yako.

Yohana 17:11

Sambi nokwiza kumwako, sili mwiisi kabili lakini awo wa mwiisi. Tata Ung'alile, weke goya kwa udahi wa twaga jako diunigwelele wadahe kuwa kinhu kimoja kamba vija gweye na niye vitwili kinhu kimoja.

1 Wakolinto 14:16

Wahamgwaa nhogolwa Imulungu kwa loho yako iiyeka, yodahika vilihi kwa wanhu waiting'hane kwidika nhogolwa zako kwa Imulungu kwa kulonga, “Ona,” kamba hawakijuwa kiulonga?

Waefeso 6:24

Ng'hekewa ya Imulungu ikale na wanhu wose omnogela Mndewa wetu Yesu Kilisito kwa unogelwa wa milele.

Wafilipi 4:23

Ng'hekewa ya Mndewa Yesu Kilisito ikale na mweye mose.

Wafilipi 4:7

Na tindiwalo da Imulungu dibanza nzewele zose za wanhu, doika goya mizoyo yenu na nzewele zenu, kwa kuilumba na Yesu Kilisito.

1 Wasesalonike 5:23

Imulungu mwenyego iyotugwaa tindiwalo yawatende muwe wang'alile ng'hani na kwika unhu wenu na loho na mizoyo na lukuli kutali na ubananzi wowose, mna ikipindi cha kubwela Mndewa wetu Yesu Kilisito.

1 Petulo 1:5

Mweye vivija mokalizigwa kwa udahi wa Imulungu, kubitila kutamanila kwenu ili mupate ukombola wenu wikigwe kwa kugubuligwa kipindi cha uhelelo.

Yuda 1:24

Kumwake heyo yodaha kuwakaliza sikumugwe na yodaha kuwagala haulongozi wake kuno mung'ala na bila kitala na ndeng'helelo ng'hulu.

Lusi 2:4

Vikibitile kipindi kidogo, Boazi kavika kulawa Beselehemu kawalamusa wasengaji, kawalongela, “Mndewa Imulungu yawe na mweye.” Na hewo wamwidika, “Mndewa Imulungu yakutendele ganogile.”

1 Samweli 2:9

“Heyo kogakaliza magulu ga awo omtamanila, lakini iwanhu wehile okanhigwa mdiziza, kwavija munhu hadaha kuhuma kwa nguvu zake.