Kupetigwa 6:20 - Biblia Kikutu

²⁰ Abaho mulava nhosa yavinule uchanha vinhu avo kulagusa kamba vilavigwa kwa Mndewa Imulungu. Vinhu avo vose ving'ala kwa imulava nhosa hamoja na ikidali kinuligwe uchanha na ikihili kilavigwe kamba nhosa. Vinhu avo vose vahatendigwa, munhu ayo yaiduwile kodaha kung'wa divai.

Kupetigwa 6:20 ပူးပေါင်းရင်းမြစ်များ

Walawi 10:15

Avo galeni ikihili na ikidali na gamavuta vili nhosa ya kusoma moto, ili vose vinuligwe uchanha kamba kilaguso cha kumulavila Mndewa Imulungu. Avo vose vokuwa vako gweye na ulelo wako kamba Mndewa Imulungu viyalagize.”

Walawi 23:11

Na imulava nhosa yavinule uchanha kamba kilaguso cha kumulavila Mndewa Imulungu ili gatogoligwe mbuli yenu, mulava nhosa yagalave imitondo yake vonda imale siku ya kubwihila.

Walawi 7:30

Yamgalile kwa makono gake mwenyego kamba nhosa ya kusoma moto. Yamgalile gamavuta hamoja na ikidali chonda yakinule uchanha kamba kilaguso cha kumulavila Mndewa Imulungu.

Walawi 7:31

Mulava nhosa yagasome moto mavuta gose muupango wa nhosa, lakini ikidali chokuwa cha Haluni na ulelo wake.

Walawi 7:32

Kihili cha mkono wa ukudila wa mnyama wa nhosa zenu za kugala kuilumba mumgwee mulava nhosa.

Walawi 7:34

Niye Mndewa Imulungu niwalagiza wanhu wa Izilaeli wamgwee Haluni na ulelo wake kidali na ikihili cha mnyama ayo wa nhosa ya kugala kuilumba, kwavija wekiligwa hewo siku zose.’ ”

Walawi 9:21

Haluni kavinula uchanha ividali na ivihili va ukudila va ing'hondolo na ing'ombe, kamba kilaguso cha kumulavila Mndewa Imulungu, kamba Musa viyalagize.

Kupetigwa 18:18

Nyama yao yokuwa yenu, kamba ikidali kinuligwa uchanha na kamba kihili cha mgulu wa kudila.

Kupetigwa 5:25

Abaho imulava nhosa yaisole ayo inhosa ya indiya ya koneligwa shaka mmakono ga ayo imtwanzi na yainule uchanha kamba kilaguso kwa Mndewa Imulungu abaho yaigale hana uupango wa nhosa.

Kupetigwa 6:21

“ ‘Gano gago malagizo kwa munhu Mnazili. Nhosa yake kwa Mndewa Imulungu iwe kamba viyaiduwile, hamoja kodaha kwengeza kulava kinhu chochose, heyo kolondigwa kutenda kamba viyaiduwile kamba malagizo gakuilava kwa Mndewa Imulungu vigalonda.’ ”

Matayo 26:29

Nowalongela, kusongela sambi honda ning'we kabili divai mbaka siku ija vondaning'we divai ya sambi na mweye Muundewa wa Tatangu.”

Maluko 14:25

Nowalongela, kusongela sambi honda ning'we kabili divai, mbaka siku dijo donda ning'we divai ya sambi Muundewa wa Imulungu.”

Yohana 19:30

Yesu viyang'wile ija idivai, kalonga, “Gamala!” Kaidulika kafa.