Kupetigwa 6:14 - Biblia Kikutu

¹⁴ na yamulavile Mndewa Imulungu nhosa zake. Mwana ng'hondolo wa kimbigalo wa mwaka umoja yelibule kilema chochose mbuli ya nhosa ya kusoma moto, na mwana ng'hondolo wa kitwanzi wa mwaka umoja yelibule kilema chochose mbuli ya nhosa ya kusegesa nzambi, na ng'hondolo wa kimbigalo yelibule kilema chochose mbuli ya nhosa ya kugala kuilumba.

Kupetigwa 6:14 ပူးပေါင်းရင်းမြစ်များ

Zabuli 66:15

Nokulavila nhosa za kusoma moto za wanyama wanenehe, na nhosa za kusoma moto za ng'hondolo mbigalo, nokulavila nhosa za ng'ombe na mbuzi.

Walawi 14:10

“Siku da nane yagale wana ng'hondolo wabili wa kimbigalo welibule kilema chochose, na yagale ng'hondolo wa kitwanzi wa mwaka umoja yelibule kilema chochose, na yagale mhishi imoja na vibaba vibili va usage unogile utibwilizigwe na mavuta mbuli ya nhosa ya ndiya hamoja na mavuta selusi imoja ya nyhupa.

Walawi 3:6

“ ‘Kamba nhosa ayo ya kugala kuilumba yuumgalila Mndewa Imulungu yolawa mkibumbila cha fugo yako ya ng'hondolo hebu mbuzi, avo yasaguligwe mnyama wa kimbigalo hebu wa kitwanzi yelibule kilema chochose.

Walawi 4:27

“ ‘Kamba munhu yoyose mna iwanhu wa Izilaeli katenda nzambi bila kulonda, na katenda kinhu kigomesigwe mna gamalagizo ga Mndewa Imulungu, munhu ayo kokuwa kabananga.

Walawi 4:32

“ ‘Kamba munhu kogala bofu da ng'hondolo diwe nhosa ya kusegesa nzambi zake, yagale bofu da kitwanzi dilibule kilema chochose.

Kupetigwa 15:27

“ ‘Munhu yahatenda nzambi bila kujuwa, kolondigwa yagale mbuzi imoja mtwanzi yeli na mwaka umoja yawe nhosa ya kusegesa nzambi.

1 Petulo 1:19

lakini mulekesigwa kwa damu inogile ya Kilisito, yakalile kamba mwana ng'hondolo yelibule kitala hebu kilema chochose.