Kupetigwa 5:7 - Biblia Kikutu

⁷ Munhu ayo kolondigwa yaitambule nzambi ayo na kolondigwa yalihe kwa kija kiyabanange na vivija yongeze asilimia ishilini na abaho yamgwelele ija iyamtendele gehile.

Kupetigwa 5:7 ပူးပေါင်းရင်းမြစ်များ

Zabuli 32:5

Abaho nizitambula nzambi zangu kumwako, na sigafisile gehile gangu. Nilonga, “Nozitogola nzambi zangu kumwako gweye Mndewa Imulungu.” Abaho gweye kuzigela kumgongo nzambi zangu zose.

Nongezi 28:13

Yofisa gehile gake honda yatendeligwe ganogile, lakini yolonga gehile gake na kugaleka kokoneligwa bazi.

Walawi 26:40

“ ‘Lakini kamba wahazitambula nzambi zao na nzambi za wahenga zao na gehile gawanhendile niye na kundema,

Walawi 26:41

mbaka niye niitowa nao na niwagala mna iisi ya wanhu owehila na kamba wahatogola kamba watenda nzambi na wahatogola kutagusigwa na kuiyona hawafaya,

Walawi 5:15

“Kamba munhu katenda nzambi bila kulonda kwa kuleka kugala vinhu ving'alile vigalagwa kwa Mndewa Imulungu, avo yagale ng'hondolo wa kimbigalo yelibule kilema chochose kulawa mdibumbila jake. Avo bei ya ng'hondolo ayo igelegezwe kamba viwapimaga hanhu hong'ala. Ino ayo nhosa ya kulihila deni.

Walawi 5:16

Abaho munhu ayo yalihe unanzi wose utendigwe kwa vinhu ving'alile na yengeze asilimia malongo mabili. Yamgwee mulava nhosa, na heyo mulava nhosa yalohole nzambi za munhu ayo kwa ng'hondolo mbigalo wa nhosa ya kusegesa nzambi na nzambi zake zogeligwa kumgongo.

Walawi 5:5

“ ‘Munhu yoyose yahabananga mbuli, yatogole na yaitambule nzambi ayo,

Walawi 7:7

Malagizo ni gagano kwa nhosa ya kusegesa nzambi na nhosa ya kulihila gehile, imulava nhosa yotenda diloholo, ayo yonda yasole inyama.

Kupetigwa 5:8

Lakini kamba munhu ayo kafa na kamba kabule ndugu yodaha kubokela kija kilihigwe, avo kinhu acho kigaligwe kwa Mndewa Imulungu mbuli ya iwalava nhosa. Vivija yagale ng'hondolo wa kimbigalo ili yatendeligwe loholo da nzambi zake.

Luka 19:8

Zakayo kema, kamulongela Yesu, “Go Mkulu, tegeleza! Nowagwaa wakiwa nusu ya vinhu vangu, na kamba nimboka munhu yoyose kinhu, nombwezela miyanza mine.”

Yoshua 7:19

Abaho Yoshua kamulongela Akani, “Mwanangu mtogole Mndewa Imulungu, Imulungu wa Izilaeli, na umgwelele nhogolwa. Nilongele gaja gautendile na sikuunifise chochose.”