Kupetigwa 4:5 - Biblia Kikutu

⁵ Kipindi cha kusegela chahavika Haluni na wanage wengile mng'anda ya dihema wadihumuluse dipanziya dili kuulongozi wa disanduku da lagano, abaho wadigubike disanduku da lagano kwa panziya dijo.

Kupetigwa 4:5 ပူးပေါင်းရင်းမြစ်များ

Kulawa 36:35

Abaho watenda panziya da kitani inogile dilukigwe na sufi ya langi ya buluu na ya zambalau na udung'hu na wadigela ulembo wa viumbe weli na mabawa watendigwe na mafundi wanogile.

Kulawa 40:3

Mgati mdihema ajo wike dija disanduku da lagano dili na malagizo longo, abaho wike panziya kuulongozi wake.

Kulawa 40:5

Wike uupango wa zahabu wa kusomela ubani kuulongozi wa disanduku da lagano, abaho unanike dipanziya hana ulwivi lwa dihema da mting'hano.

Walawi 16:2

“Mulongele ndugu yako Haluni sikuyengile hanhu hong'ala ng'hani kukisogo cha panziya kipindi halondigwa kwingila, sikuyengile hanhu aho kwavija aho honda nilawilile mdiwingu uchanha ya ngubiko ya disanduku da lagano. Yahalema kofa.

Kupetigwa 10:14

Waja wakalile hasi ya ibendela ya kabila da Yuda, wasonga kusegela kibumbila kimoja mbaka kibumbila kiyagwe. Kilongozi wa kabila da Yuda kakala Nashoni mwanage Aminadabu.

Kupetigwa 4:15

“Abaho, Haluni na wanage wahamambukiza kuhagubika hanhu hong'ala hamoja na vinhu vose viyagwe waitande kwa mwanza, abaho wanhu wa ulelo wa Kohati weze wavipape. Lakini hewo hawalondigwa kuvikwasa viya avo ving'alile ili sikuwafe, ino ayo sang'hano ya ulelo wa Kohati kipindi chose dihema da mting'hano chahahamizwa.

Kupetigwa 4:4

“Sang'hano ya ulelo wa Kohati yokuwa kuvipapa viya vose vili hanhu hong'ala ng'hani.

Kupetigwa 7:9

Lakini Musa hawagwelele kinhu chochose Wakohati, kwavija hewo wakala na sang'hano ya kuvilola goya viya ving'ala vilondigwa kupapigwa mmaega.

Matayo 27:51

Bahaja panziya da Ng'anda ya Imulungu digola gati da Ng'anda ya Imulungu na hanhu hong'ala ng'hani, didegeka mhande mbili, kulawa uchanha mbaka hasi. Isi itigisika na mibwe itulika.

Kumbukumbu 31:9

Avo, Musa kandika malagizo gago, kawagwelela iwalava nhosa wa ulelo wa Lawi, awo wakalile odipapa disanduku da lagano da Mndewa Imulungu, na iwavele wose wa Izilaeli.

Waebulania 10:20

Nayo katuvugulila nzila ya sambi, nzila itulongoza muugima kubitila panziya dija. Katenda avo kwa kululava lukuli lwake.

Waebulania 9:3

Kuchugu cha panziya kukala na gati diyagwe dikemigwe Gati Ding'alile Ng'hani.

1 Samweli 6:19

Mndewa Imulungu kawakoboza wanhu wayagwe wa buga da Beti Shemeshi kwavija walola mgati ya sanduku da lagano da Mndewa Imulungu. Mndewa Imulungu kawakoma wanhu malongo saba na wanhu walila kwa usungu kwavija Mndewa Imulungu kawatowa kwa mikubulo mikulu.