Kupetigwa 4:14 - Biblia Kikutu

¹⁴ Uchanha yake weke viya vose visang'haniligwa hana uupango, lwiko lwa kuzolela mitozi na bakuli na lwiko lwa kuhindulila nhosa na viya va kuhalila moto, abaho uchanha yake wakunzule ingubiko ya ng'hwembe ya mnyama wa mbahali. Na wengize zimango za kupapila.

Kupetigwa 4:14 ပူးပေါင်းရင်းမြစ်များ

Kulawa 27:1

Imulungu kamulongela Musa, “Utende upango wa kulavila nhosa kwa mbao za mkese. Upango awo uigale kila mwambu, utali wake uwe makono mabili na nusu na ugazi wake uwe makono mabili na nusu na utali wake wa kuchola uchanha uwe mkono umoja na nusu.

Kulawa 27:3

Viya vose va kulavila nhosa uvitende kwa shaba ya kiguzi, zae da kwikila mitozi na lwiko lwa kuzolela mitozi na bakuli na lwiko lwa kuhindulila inhosa na viya va kuhalila moto.

Kupetigwa 4:13

“Wasegese imitozi ili uchanha ya uupango wa nhosa na wadikunzule dikumbi da langi ya zambalau uchanha yake.

Kupetigwa 4:15

“Abaho, Haluni na wanage wahamambukiza kuhagubika hanhu hong'ala hamoja na vinhu vose viyagwe waitande kwa mwanza, abaho wanhu wa ulelo wa Kohati weze wavipape. Lakini hewo hawalondigwa kuvikwasa viya avo ving'alile ili sikuwafe, ino ayo sang'hano ya ulelo wa Kohati kipindi chose dihema da mting'hano chahahamizwa.

Kupetigwa 4:6

Uchanha yake wadigubike na ing'hwembe ya mnyama wa mbahali na wadikunzule dikumbi da langi ya buluu. Abaho wengize zimango za kudipapila disanduku.