Kupetigwa 34:12 - Biblia Kikutu

¹² abaho yohumulukila kulozela kuna ulwanda lwa Yolidani mbaka kuna ibahali ya Mkele, zino azo zimbaka nne za isi ayo.”

Kupetigwa 34:12 ပူးပေါင်းရင်းမြစ်များ

Mwanduso 13:10

Lutu kalola, kajona bonde da lwanda lwa Yolidani dikala dimemile mazi kila hanhu, kamba mgunda wa Mndewa Imulungu hebu kamba isi ya Misili mwambu wa Soali. Kino kikala kipindi Mndewa Imulungu yang'hali hanagabananga mabuga ga Sodoma na Gomola.

Mwanduso 14:3

Wandewa awo wose watano waiting'hana kubonde da Sidimu hebu bahali ya Mkele.

Kulawa 23:31

Zimbaka za isi yenu zokuwa kulawa bahali ya Shamu mbaka bahali ya Meditelania na kulawa kuluwala mbaka muulwanda lwa Fulate, kwavija nowagela wanhu wa isi ayo mmakono genu, na mweye mowawinga.

Kupetigwa 34:11

Kulawa Shefamu yogendelela kubitila Libila, mwambu wa kudilawila zuwa wa Aini, abaho imbaka ayo yobita hasi kuna umwambu wa kudilawila zuwa wa lamba da Kineleti,

Kupetigwa 34:13

Avo, Musa kawalongela Waizilaeli, “Ino ayo isi yonda mwiihazi kwa kubwanha simbi, isi iyalagize Mndewa Imulungu gagweleligwe makabila tisa na nusu.

Kupetigwa 34:3

Umwambu wa kusini imbaka yenu yokuwa kulawa kuluwala lwa Sini mbaka kuna imbaka ya Edomu. Yosongela mwambu wa kudilawila zuwa wa umwambu wa kusini ako kuihelela ibahali ya Mkele.

Yoshua 13:1

Avo Yoshua kakala na miyaka mingi na kakala mvele avo Mndewa Imulungu kamulongela, “Gweye sambi kuna miyaka mingi na kwa mvele, na zisigala isi nyingi zing'hali hazinasoligwa.

Yoshua 15:5

Imbaka yao kwa umwambu wa kudilawila zuwa ikala Ibahali ya Mkele, aho hawingilile ulwanda lwa Yolidani. Na imbaka yao kwa umwambu wa kasikazini ikala kulawa kumgwazo wa Bahali ya Mkele aho kudiswila da ulwanda lwa Yolidani,