Kupetigwa 32:23 - Biblia Kikutu

²³ Lakini kamba hamgavikiza gago gamulongile, mokuwa mumtendela Mndewa Imulungu nzambi, na mujuwe kamba mokobozwa.

Kupetigwa 32:23 ပူးပေါင်းရင်းမြစ်များ

Mwanduso 13:13

Wanhu wa kuko Sodoma wakala wehile na wakala omtendela Mndewa Imulungu nzambi nyingi.

Mwanduso 4:7

Maza utendile kinhu kinogile, wahatogoligwe, lakini kwavija kutenda gehile, nzambi yokusepasepa hana ulwivi lwako, yokusulukila, lakini kolondigwa uihume.”

Mwanduso 44:16

Yuda kedika, “Tulonge choni, go mkulu, tulonge choni kulagusa hatubanange? Imulungu kagagubula gehile getu, siye sambi twa watumwa zako, siye hamoja na ija yoneke na kikasi chako.”

2 Samweli 3:39

Hamoja munigidila mavuta niwe mndewa wenu, lakini lelo nabule nguvu. Wano wana wa Seluya wabanza usede, Mndewa Imulungu yawakoboze ng'hani mbuli ya usede wao.”

Zabuli 139:11

Kamba nahapulile ziza dinigubike, mulenge unimwemweselaga uwe ziza,

Zabuli 140:11

Awo owadeta wayao sikuwamwede mwiisi, gehile gawasake wanhu wasede.

Zabuli 90:8

Kugeka gehile getu kuulongozi wako, nzambi zetu za kinyelegezi zokoneka mumng'alo wako.

Nongezi 13:21

Wene nzambi opata mikubulo, lakini weli na haki opata ganogile.

Nongezi 24:16

Kwavija hamoja munhu mwene haki kogwa miyanza mingi ila kokwinuka kabili, lakini munhu yehile kobwanhigwa hasi na magazo.

Nongezi 5:22

Gehile ga munhu yehile gomnamata heyo mwenyego, nzabi za nzambi zake zomfunga heyo mwenyego.

Walumi 2:9

Madununzo na usungu gowapata wanhu wose otenda gehile, tanhu kwa Wayahudi abaho kwa wanhu haweli Wayahudi.

1 Wakolinto 4:5

Avo sikumumtaguse munhu yoyose king'hali kipindi hakinavika. Lekeni mbaka Mndewa vonda yeze, nayo kokwiza kugamwemwesela gaja gafisigwe mdiziza na kugafisula gaja gose geli mmizoyo ya wanhu. Aho kila munhu kobokela nhogolwa yake kulawa kwa Imulungu.

Yoshua 7:18

Yoshua kaigala ng'anda ya Zabidi, munhu imoja imoja na Akani mwanage Kalimi, Kalimi mwanage Zabidi, Zabidi mwanage Zela, kulawa kabila da Yuda kasaguligwa.