Kupetigwa 3:10 - Biblia Kikutu

¹⁰ Abaho msagule Haluni na wanage wasang'hane kamba walava nhosa, lakini munhu yoyose iyagwe yonda yasang'hane sang'hano ayo yakomigwe.”

Kupetigwa 3:10 ပူးပေါင်းရင်းမြစ်များ

2 Samweli 6:7

Kwa mbuli ayo ng'hasiliki ya Mndewa Imulungu imvikila Uza, avo Imulungu kamkoma bahaja hadisanduku da lagano da Imulungu.

Kulawa 29:9

Uwafunge mikwiji mvigudi vao na uwavaze vilemba vao. Vino vivo vonda uwatende Haluni na wanage wang'ale. Hewo na ulelo wao okuwa walava nhosa milele.

Walawi 22:10

“ ‘Munhu yoyose halawa muulelo wa iwalava nhosa halondigwa kuja ndiya ing'ala. Hata mgeni wa mulava nhosa hebu kibaluwa wake sikuyaje.

Kupetigwa 1:51

Dihema dahang'oligwa, Walawi awo onda wading'ole na dahasimikigwa, Walawi awo onda wadisimike. Munhu yoyose heli Mulawi yahadikwesela dihema yakomigwe.

Kupetigwa 16:10

Kawagwaa ukulu wa kukala behi na heyo, mweye hamoja na Walawi waenu wose. Lakini sambi vivija molonda na ulava nhosa?

Kupetigwa 16:35

Abaho Mndewa Imulungu kagala moto uwalukuza wanhu waja magana mabili na malongo matano wacholile kulava ubani.

Kupetigwa 16:40

Mbuli ayo ikala kilaguso kwa Waizilaeli kamba munhu heli mulava nhosa, ndio kulonga halawa muulelo wa Haluni sikuyachole hana uupango wa nhosa na kusoma ubani kuulongozi wa Mndewa Imulungu. Ama sivo kokomigwa kamba Kola na wayage. Ago gose gatendigwa kamba Mndewa Imulungu viyamulagize Eleazali kubitila Musa.

Kupetigwa 18:3

Hewo osang'hana sang'hano zose zonda uwagwelele mna dihema. Lakini hawalondigwa kuvikwasa viya vili mdihema hebu kuukwesela behi upango wa nhosa, wahatenda avo wose gweye na wao mofa.

Kupetigwa 18:7

Lakini gweye wiiyeka na wanago mosang'hane kamba walava nhosa mbuli ya uupango wa nhosa na vinhu vose vili mna ihanhu hong'ala. Sang'hano ayo yenu mweye kwavija niwagwaa nhunza ya ulava nhosa. Munhu yoyose iyagwe yahakwesa behi na ihanhu hong'ala yakomigwe.”

Kupetigwa 3:11

Mndewa Imulungu kamulongela Musa,

Kupetigwa 3:38

Musa na Haluni na wanao weka ng'hambi yao mwambu wa kudilawilila zuwa kuulongozi wa dihema da mting'hano, hewo sang'hano yao ikala kulava nhosa na kulola goya hanhu hong'ala na kusang'hana hanhu aho mbuli ya kinhu chochose kilondigwe kwa Waizilaeli. Munhu yoyose iyagwe yahakwesa behi yakomigwe.

Walumi 12:7

Munhu yagweleligwe nhunza ya kusang'hana yasang'hane, na munhu yagweleligwe nhunza ya kufundiza yafundize.

Waefeso 2:19

Avo mweye wanhu hamwili Wayahudi sambi hamwili wanhu baki hebu wanhu wa kutali, mweye sambi mwa wenekae hamoja na wanhu wa Imulungu na mwa wanhu wa lukolo lwa Imulungu.

Kumbukumbu 18:5

Mna gamakabila genu gose, Mndewa Imulungu, Imulungu wenu kawasagula iwanhu wa kabila da Lawi ili wamsang'hanile kamba walava nhosa siku zose.

Waebulania 8:4

Kamba yahakalile mwiisi sambi yawe mulava nhosa bule, kwavija kuna walava nhosa olava nhunza zilondeke mna Gamalagizo ga Musa.

Wasemi 17:5

Ayo Mika, kakala na hanhu hake ha kutambikila. Katenda kikoti cha mulava nhosa na ivinyago, abaho kamsagula mwanage imoja yawe mulava nhosa.

1 Samweli 6:19

Mndewa Imulungu kawakoboza wanhu wayagwe wa buga da Beti Shemeshi kwavija walola mgati ya sanduku da lagano da Mndewa Imulungu. Mndewa Imulungu kawakoma wanhu malongo saba na wanhu walila kwa usungu kwavija Mndewa Imulungu kawatowa kwa mikubulo mikulu.