Kupetigwa 28:19 - Biblia Kikutu

¹⁹ Mulave nhosa ya kusoma moto kamba nhosa ya ndiya kumwangu niye Mndewa Imulungu. Ng'ombe mbigalo wabili, ng'hondolo mbigalo imoja, wana ng'hondolo mbigalo saba wa mwaka umoja, wose awo sikuwawe na kilema chochose.

Kupetigwa 28:19 ပူးပေါင်းရင်းမြစ်များ

Walawi 1:3

“ ‘Kamba munhu kolava bofu da ng'ombe mbigalo kamba nhosa ya kusomigwa moto kulawa mdibumbila da fugo yake, yasagule mnyama yelibule kilema chochose. Yamgale hana ulwivi lwa dihema da mting'hano ili munhu ayo yatogoligwe na Mndewa Imulungu.

Walawi 22:20

Munhu sikuyagale mnyama yoyose yeli na kilema kwavija nhosa ayo honda itogoligwe mbuli yake.

Kupetigwa 28:20

Vivija mulave na inhosa ya ndiya ya mhishi imoja na vibaba vibili va usage utibwilizigwe na mavuta kwa kila ing'ombe mbigalo, mhishi imoja mbuli ya ing'hondolo mbigalo,

Kupetigwa 28:31

Mulave vinhu avo vose bila kuleka ija inhosa ya kusoma moto ilavagwa kila siku hamoja na inhosa ya king'waji. Vivija iwanyama awo wose sikuwawe na kilema chochose.

Kupetigwa 29:8

Mundavile niye Mndewa Imulungu nhosa ya kusoma moto ilava mnung'ho uninogeza niye. Ng'ombe mbigalo imoja, ng'hondolo mbigalo imoja na wana ng'hondolo wa kimbigalo saba wa mwaka umoja, wose awo sikuwawe na kilema chochose.

Kumbukumbu 15:21

Lakini kamba mnyama ayo kana kilema chochose, kamba msuwameso hebu magulu gake galemala hebu kana kinhu chochose mulukuli, sikuumulave nhosa kwa Mndewa Imulungu, Imulungu wako.

Kumbukumbu 16:2

Mmulavile Mndewa Imulungu, Imulungu wenu nhosa ya Pasaka kulawa mzifugo zenu za ng'hondolo hebu ng'ombe, hanhu aho honda yahasagule Mndewa Imulungu kwika twaga jake.

1 Petulo 1:19

lakini mulekesigwa kwa damu inogile ya Kilisito, yakalile kamba mwana ng'hondolo yelibule kitala hebu kilema chochose.