Kupetigwa 27:3 - Biblia Kikutu

³ “Tataetu kafa ako kuluwala. Hakalile mna iwanhu wamkweleleze Kola, ayo yamulemile Mndewa Imulungu ila heyo kafa kwa nzambi zake mwenyego, na kakala kabule wana wa kimbigalo.

Kupetigwa 27:3 ပူးပေါင်းရင်းမြစ်များ

Kupetigwa 14:35

Niye Mndewa Imulungu nilonga, nowatendela vivo kamba vimuiting'hane kunilema. Wanhu wose okwamila baha kuluwala na wose ofila baha.”

Kupetigwa 16:19

Na heyo Kola kawating'haniza wanhu wose hamoja, wema wima kuulongozi wa Musa na Haluni awo wakalile hana ulwivi lwa dihema da mting'hano. Abaho ukulu wa Mndewa Imulungu uwalawilila wanhu wose!

Kupetigwa 16:49

Iwanhu wose kwa wose wafile kwa utamu awo wakala elufu kumi na nne na magana saba (14,700), bila kuwapeta waja wafile mbuli ya nzambi ya Kola.

Kupetigwa 26:33

Selofehadi mwanage Hefeli halelile wana wa kimbigalo, ila kalela wana wa kitwanzi waiyeka, matwaga gao gakala Mala na Nuhu na Hogila na Milika na Tiliza.

Kupetigwa 27:2

Avo, awo iwandele wane wamcholela Musa, wema kuulongozi wa Eleazali imulava nhosa na vilongozi wose wa Izilaeli hana ulwivi lwa dihema da mting'hano walonga,

Kupetigwa 27:4

Avo habali twaga da tataetu dipotele mna iwanhu wa Izilaeli kwavija kakala kabule wana wa kimbigalo? Avo mtugwelele uhazi hamoja na iwandugu wa tataetu.”

Yohana 8:21

Yesu kawalongela kabili, “Niye nosegela, mweye monizahila, lakini mofa na nzambi zenu. Hamudaha kuchola kuja kunyhola.”

Yohana 8:24

Lekaavo niwalongeleni mofa na nzambi zenu. Mofa na nzambi zenu kamba hamulonda kutogola kamba ‘Nene iyo Nene.’ ”

Walumi 5:12

Nzambi ingila mwiisi kubitila munhu imoja, na nzambi yake igala ifa. Avo, ifa yenela kwa wanhu wose kwavija wanhu wose watenda nzambi.

Walumi 5:21

Avo, kamba vija nzambi vizitawale na kugala ifa, vivo ili ng'hekewa ya Imulungu yotawala kwa ganogile, na kutugala muugima wa milele kubitila Yesu Kilisito Mndewa wetu.

Walumi 6:23

Kwavija fungu da nzambi ayo ifa, lakini nhunza ya Imulungu awo ugima ulibule uhelelo kwa kuilumba na Yesu Kilisito, Mndewa wetu.