Kupetigwa 27:18 - Biblia Kikutu

¹⁸ Avo Mndewa Imulungu kamulongela Musa, “Msole Yoshua mwanage Nuni, imunhu yeli na moyo unogile, abaho umwikile makono,

Kupetigwa 27:18 ပူးပေါင်းရင်းမြစ်များ

Mwanduso 41:38

Avo Falao kawauza wakulu zake, “Munhu ino kana loho ya Imulungu, vino todaha kumpata munhu iyagwe kamba ino?”

Kulawa 17:9

Musa kamulongela Yoshua, “Sagula wambigalo, uchole kuitowa na Waamaleki. Mayo nokwima kuinhembeti ya lugongo, kuno nigoga fimbo ya Imulungu.”

Kupetigwa 11:17

Nohumuluka hanhu aho na kulonga na gweye, na nosola hanhu ha loho inikugwelele gweye, nowagwaa wanhu awo. Na hewo owalola wanhu wano hamoja na gweye, ili sambi udipape zigo dino gweye wiiyeka.

Kupetigwa 13:16

Gano gago matwaga ga iwanhu Musa yawatumile wachole wakaisungulile isi ya Kanaani. Musa kamgwaa Hoshea mwanage Nuni, twaga diyagwe, kamkema Yoshua.

Kupetigwa 13:8

Kabila da Efulaimu kachola Hoshea mwanage Nuni.

Kupetigwa 27:23

Abaho kamwikila makono na kamgwaa isang'hano kamba viyalagizwe na Mndewa Imulungu.

Yohana 3:34

Heyo yatumigwe na Imulungu kolonga mbuli za Imulungu, kwavija Imulungu kamgwaa ng'hani Loho wake Yang'alile.

Sang'hano 13:3

Wafunga kuja na kumpula Imulungu, wawekila makono wawatuma wachole.

Sang'hano 19:6

Paulo kawekila makono na Loho Yang'alile kawahumulukila, walonga kwa ulonzi uyagwe na vivija walagula usenga wa Imulungu.

Sang'hano 6:3

Avo, ndugu zangu, saguleni wanhu saba kumwenu wajuwike kamba wamema Loho Yang'alile na nzewele, na toweka wawe wakulu wa mbuli ino.

Sang'hano 6:6

Abaho wanhu wao wose wagaligwa kwa iwatumigwa, wao wampula Imulungu na kuwekila makono.

Kumbukumbu 1:37

Vivija Mndewa Imulungu kanigevuzikila niye mbuli yenu mweye, kalonga, ‘Vivija na gweye Musa, honda wingile bule mwiisi ayo.

Kumbukumbu 3:21

“Abaho nimulagiza Yoshua, ‘Gweye kona kwa meso gako gaja gose Mndewa Imulungu, Imulungu wako gayawatendele iwandewa wano wabili, Sihoni na Ogu. Avo, heyo kowatendela vivo iwandewa wose wa ziisi zimuchola kuzisola.

Kumbukumbu 3:28

Lakini umgwelele Yoshua malagizo, na umgele moyo na umtende yagangamale, kwavija heyo ayo yonda yawalongoze iwanhu wano mbaka ako umwambu, waisole isi yonda uilole.’

Kumbukumbu 31:14

Avo, Mndewa Imulungu kamulongela Musa, “Siku yako ya kufa yammabehi kuvika. Mkeme Yoshua mwize wose mna dihema da mting'hano ili nimgwelele malagizo yang'hali hanakuwa kilongozi wenu.” Avo, Musa na Yoshua wengila mna dihema da mting'hano,

Kumbukumbu 31:23

Abaho Mndewa Imulungu kamulagiza Yoshua, mwanage Nuni, kamulongela, “Ugangamale na uwe galu, kwavija kowagala Waizilaeli mwiisi iniiduwile kuwagwaa, na niye nokuwa hamoja na gweye.”

Kumbukumbu 31:3

Mndewa Imulungu, Imulungu wenu, kowalongolela na kowakoma iwanhu wa isi zili kuko, ili muisole isi yao, na Yoshua kokuwa kilongozi wenu kamba viyalongile Mndewa Imulungu.

Kumbukumbu 34:9

Yoshua mwanage Nuni kamema loho ya nzewele, kwavija Musa kakala yamwikile makono gake. Avo Waizilaeli wamtegeleza Yoshua na kugoga gaja gayagweleligwe Musa na Mndewa Imulungu.

1 Timoseo 4:14

Sambiuileme nhunza ya Loho Yang'alile ili mgati mmwako, yuugweleligwe kubitila mbuli za wavele za ulaguzi viwakwikile makono gao.

1 Timoseo 5:22

Sikuulopole kumwikila makono munhu yoyose yailavile kumsang'hanila Mndewa. Sikuuilumbe na munhu yoyose mzinzambi. Ukale kwa kumnogela Imulungu.

Waebulania 6:2

mafundizo ga nzila nyingi za ubatizo na kuwekila wanhu makono, mbuli ya kuzilibuka kwa wafile na nhaguso ilibule uhelelo.

Yoshua 1:17

Kamba vija vitumtegeleze Musa mzimbuli zose, vivija tokutegeleza na gweye. Mndewa Imulungu, Imulungu wako yawe hamoja na gweye kamba viyakalile hamoja na Musa!

Wasemi 11:29

Abaho Loho ya Mndewa Imulungu imwingila Yefisa, na heyo kasegela kabitila Gileadi na Manase, na kulawa Misipa mwiisi ya Gileadi na kagendelela na mwanza mbaka kavika kwa Waamoni.

Wasemi 3:10

Avo, Loho ya Mndewa Imulungu imwingila Osinieli, na heyo kawa msemi wa iwanhu wa Izilaeli. Osinieli kachola kuna ing'hondo na Mndewa Imulungu kamgela mmakono gake Kushani Lishataimu imndewa wa Mesopotamia na heyo Osinieli kamuhuma.

1 Samweli 16:18

Msang'hanaji wake imoja kamulongela, “Nimona mbwanga imoja wa Yese, wa buga da Beselehemu, mbwanga ayo kana udahi wa kutowa bango na galu na koitowa ng'hondo vinogile, na kolonga mbuli zinogile na kanoga, Mndewa Imulungu kahamoja na heyo.”