Kupetigwa 24:17 - Biblia Kikutu

¹⁷ Nomona ayo yonda yeze, lakini aho kumwande nomulola. Nomona lakini heli habehi. Nhondo yolawa muulelo wa Yakobo. Kolawila mndewa mna iwanhu wa Izilaeli. Kwa fimbo yake kowazabula vilongozi wa Wamoabu. Kowakoma wanhu wose wa ulelo wa Seti.

Kupetigwa 24:17 ပူးပေါင်းရင်းမြစ်များ

Mwanduso 49:10

Mkongoja wa ukulu honda usegele mmakono ga Yuda, na mkongoja wa utawala honda usegele muulelo wake mbaka vonda yeze ija mwenyego heyo makabila gose gomtegeleza.

2 Samweli 8:14

Daudi keka ng'hambi za wakalizi mwiisi yose ya Edomu, na Waedomu wose wakala wasang'hanaji wa Daudi. Mndewa Imulungu kakala komtenda Daudi yahume kokose kuyacholile.

2 Samweli 8:2

Abaho kawahuma Wamoabu. Kawatambaliza hasi mumsafa na kawapima kwa luzabi. Kapima lwa ichanduso na lwa kabili, awo kawakoma, kapima lwa kadatu, kawaleka wagima. Avo Wamoabu wakala mmakono ga Daudi na wakala omgalila nhunza.

Zabuli 110:2

Mndewa Imulungu koweneza undewa wako kulawa Sayuni, uwatawale hagati ya wose okwihila gweye.

Zabuli 45:6

Go Imulungu, kigoda chako cha ukulu chosigala siku zose na milele, fimbo ya undewa wako yokuwa fimbo ya haki.

Kupetigwa 21:29

Mugaya mweye wanhu Moabu! Mubanangigwa mweye wanhu wa Kemoshi! Muwatenda wanenu wa kimbigalo watange tange kwa bwembwe! Wandele zenu wasoligwa kamba watumwa wa mndewa Sihoni wa Waamoli.

Kupetigwa 24:16

usenga wa munhu yahulike mbuli za Imulungu. Munhu yagajuwile gaja ga Imulungu yeli Uchanha Ng'hani. Munhu yalagusiligwe vinhu na Mndewa Imulungu yeli na Udahi wose. Munhu yagwile kingubanguba na meso gake gona gose.

Luka 1:78

Imulungu wetu kana bazi na moyo unogile. Kotumwemwesela mulenge wa ukombola kulawa kuulanga,

Waebulania 1:8

Lakini kwa Mwanage, Imulungu kalonga, “Go Imulungu undewa wako wabule uhelelo! Kowalongoza goya wanhu zako.

Waebulania 7:14

Avo yojuwika goya Mndewa wetu kavumbuka kulawa mdikabila da Yuda, na Musa haditambule bule kabila dijo viyalongile mbuli ya ulava nhosa.

2 Petulo 1:19

Avo mbuli za watula ndagu wa Imulungu zilagusigwa goya kumwetu, na motenda goya mwahazigoga, kwavija ziigala na taa ikwaka mdiziza mbaka imitootondo na mulenge wa nhondo za imitondo omwemwesa mmizoyo yenu.

Yuda 1:11

Wanhu awo ogaya! Kwavija wakweleleza mbuli ziyasang'hane Kaini. Mbuli ya kulonda sente waigala wenyego muimhome iija ya Balaamu. Walema kamba viyalemile Kola vivija na hewo onangigwa kamba viyanangigwe heyo.

Ugubulo 1:7

Tegelezeni, kokwiza mna gamawingu! Kila munhu komona, hata waja wamuhomile. Makabila gose geli mwiisi gomuyalalila. Ona iwe vivo!

Ugubulo 11:15

Abaho msenga wa saba wa kuulanga katowa mhalati yake, kukala na sauti ng'hulu kuulanga, ilonga, “Sambi undewa wa mwiisi wa Mndewa Imulungu wetu na Kilisito iyamsagule. Nayo kotawala siku zose!”

Ugubulo 22:16

“Niye Yesu, nimtuma msenga wangu wa kuulanga yawalongele mbuli zino mna ivibumbila va wanhu wanitogole. Niye nolawa mulukolo lwa Daudi, vivija niye na nhondo ing'ala imitondo.”

1 Samweli 14:38

Sauli kawakema, “Izoni hano vilongozi wose wa iwanhu, ili tujuwe nzambi gani ituitendile lelo.