Kupetigwa 23:23 - Biblia Kikutu

²³ Kuduhu uhawi kwa wanhu wa Yakobo, Kuduhu munhu yodaha kuwaloga Waizilaeli. Mbuli ya Izilaeli wanhu olonga, ‘Loleni unzonza uyatendile Imulungu!’

Kupetigwa 23:23 ပူးပေါင်းရင်းမြစ်များ

Mwanduso 3:15

Nokutenda gweye na mtwanzi mwiihile, ulelo wako na ulelo wake oihila, heyo kokuhonda pala jako, na gweye kokiluma kisiginho chake.”

Zabuli 31:19

Lola unogelo wako viwili mkulu, kuwekila iwanhu okudumba gweye, kutenda avo mbuli ya wose okukimbilila gweye, mgameso ga iwanhu wose.

Zabuli 64:9

Aho iwanhu wose odumba, ogasimulila gayatendile Imulungu, na ogagelegeza gaja gayatendile.

Kupetigwa 24:1

Avo, Balaamu kajuwa kamba Mndewa Imulungu kolonda kuwatambikila Waizilaeli, avo hacholile kabili kulagula ila kakala kolola kuluwala.

Matayo 12:25

Yesu kajuwa kiwakalile ogesa, avo kawalongela, “Kamba undewa wowose wahaigola wenyego undewa awo ofa. Na lubuga lwahaigola lwenyego lubuga lulo lofa.

Matayo 12:27

Mweye molonga niye nolava vinyamkela kwa udahi wa Belizebuli. Avo wanhu wenu olava vinyamkela kwa udahi wa nani? Kwa mbuli ayo wanhu wenu wenyego owatagusa kamba mobananga!

Matayo 16:18

Niye nokulongela, Petulo, gweye kwa dibwe kulu na uchanha mwa dibwe dino nozenga kanisa jangu, hata ifa haidaha bule kudihuma.

Yohana 11:47

Avo Mafalisayo na wakulu wa walava nhosa waiting'hana na wanhu wa mkitala waiuza, “Vino tutende choni? Loleni mbuli za unzonza ziyotenda munhu ino!

Sang'hano 10:38

Mumjuwa Imulungu viyamsagule Yesu wa Nazaleti kwa kumgwaa Loho Yang'alile na udahi. Kila hanhu hayacholile katenda ganogile na kuwahonya wanhu wose wakalile mmakono ga Mwenembago, kwavija Imulungu kakala nayo.

Sang'hano 15:12

Bumbila jose da wanhu dikala tuulu viwawahulike Balinaba na Paulo osimulila mbuli zose za unzonza na vilaguso ziyatendile Imulungu kubitila wao kwa wanhu haweli Wayahudi.

Sang'hano 4:16

Wakulu wa mkitala waiuza, “Tuwatende choni wanhu wano? Kila munhu mwiisi ya Yelusalemu kojuwa kamba unzonza uno mkulu utendigwa na hewo, na siye hatudaha kuibela bule mbuli ino.

Sang'hano 5:12

Watumigwa watenda mbuli nyingi za unzonza na vifukuzi mna iwanhu. Wanhu wose wamtogole Yesu waiting'hana hamoja muluhelengo lwa Sulemani.

Sang'hano 5:14

Lunhu lwa wambigalo na watwanzi wamtogole Mndewa ongezeka mkibumbila.

Walumi 16:20

Nayo Imulungu yogala tindiwalo hakawa kumuhonda Mwenembago yeli hasi mmagulu genu. Ng'hekewa ya Mndewa wetu Yesu ikale na mweye.

Kumbukumbu 3:24

‘Go Mndewa, Mkulu Mndewa Imulungu nojuwa kunilagusila niye msang'hanaji wako hanhu hadodo ha ukulu wako na udahi wako. Vino hana imulungu gani kuulanga hebu mwiisi yodaha kusang'hana mbuli ng'hulu kamba ziusang'hane gweye?

Yoshua 13:22

Vivija Waizilaeli wamkoma mna ing'hondo Balaamu mwanage Beoli, ayo yakalile yolagula.

Ugubulo 12:9

Avo zoka dijo kulu jasigwa hasi, najo dijo zoka da umwaka, dikemigwa ija Imdumuka hebu Mwenembago, najo dijo diwavizila wanhu wose wa mwiisi. Jasigwa hasi mwiisi hamoja na wasenga zake.