Kupetigwa 23:21 - Biblia Kikutu

²¹ Mndewa Imulungu honile dihile kwa wana wa Yakobo, Vivija honile ndwagi kwa Waizilaeli. Mndewa Imulungu kahamoja na hewo, Na hewo omtogola kamba Mndewa wao.

Kupetigwa 23:21 ပူးပေါင်းရင်းမြစ်များ

Zabuli 103:12

Kamba mwambu wa kudilawila zuwa viwili kutali, na mwambu wa kudihongela zuwa, vivo viyagekile gehile getu kutali na siye.

Zabuli 118:15

Sauti za deng'ho zohulikigwa mvibanda va iwanhu wene haki, “Mkono wa ukudila wa Mndewa Imulungu utenda mbuli ng'hulu!

Zabuli 135:21

Mgweleleni nhogolwa Mndewa Imulungu kulawa Sayuni, mgweleleni nhogolwa heyo yokala Yelusalemu. Mgweleleni nhogolwa Mndewa Imulungu.

Zabuli 23:4

Nahabita kudikonde da ziza kulu, sidumba kinhu chochose, kwavija gweye Mndewa Imulungu kwa hamoja na niye, mkongoja wako na fimbo yako vonikaliza.

Zabuli 32:2

Kamweda imunhu Mndewa Imulungu hagelegeza gehile gake, imunhu yelibule uvizi mmoyo wake.

Zabuli 32:5

Abaho nizitambula nzambi zangu kumwako, na sigafisile gehile gangu. Nilonga, “Nozitogola nzambi zangu kumwako gweye Mndewa Imulungu.” Abaho gweye kuzigela kumgongo nzambi zangu zose.

Zabuli 46:11

Mndewa Imulungu yeli na udahi wose kahamoja na siye, Imulungu wa Yakobo ayo ngome yetu.

Zabuli 46:7

Mndewa Imulungu yeli na udahi wose kahamoja na siye, Imulungu wa Yakobo ayo ngome yetu.

Zabuli 97:1

Mndewa Imulungu kotawala na isi ideng'helele, visiwa videng'helele.

Zabuli 99:2

Mndewa Imulungu mkulu ako Sayuni, na heyo kauchanha ya iwanhu wa isi yose.

Kulawa 13:21

Imisi Mndewa Imulungu kawalongoza kwa wingu joneke kamba mhanda kuwalagusila inzila, na ikilo kawalongoza kwa moto oneke kamba mhanda kuwamwemwesela, ili wadahe kugendelela na mwanza wao imisi na ikilo.

Kulawa 3:12

Imulungu kamulongela, “Niye nokuwa hamoja na gweye. Vonda uwalave wanhu wa Izilaeli mwiisi ya Misili, monitambikila niye kulugongo luno. Acho chokuwa kilagusa kamba niye nikutuma.”

Kulawa 34:9

Abaho kalonga, “Go Mndewa kamba koninogela, nokupula ugende na siye. Wanhu wano wana mizoyo midala, lakini nokupula ugele kumgongo gehile getu na nzambi zetu, tubokele kamba wanhu wako mwenyego.”

Walawi 9:24

Moto ulawa muukulu wa Mndewa Imulungu uzisoma nhosa zose na gamavuta geli muupango wa nhosa. Wanhu viwone avo, wakemelela kwa deng'ho waidulika mbaka hasi wamtambikila Mndewa Imulungu.

Kupetigwa 14:18

‘Niye Mndewa Imulungu sigevuzika himahima, nimema bazi na nogela kumgongo nzambi na gehile. Lakini sileka kuwakoboza wana na wazukulu mbaka ulelo wa kadatu na wa ikane kwa nzambi za iwahenga zao.’

Kupetigwa 14:19

Nokupula ugele kumgongo nzambi za wanhu wano, kamba unogelwa wako viwili mkulu na kamba viuzigelaga kumgongo nzambi za wanhu wano toka walawe ako Misili mbaka sambi.”

Kupetigwa 16:3

Waiting'hana kuulongozi wa Musa na Haluni wawalongela, “Mweye mubanza ng'hani! Mting'hano wa wanhu wose ung'ala na kila munhu yeli hano kang'ala, na Mndewa Imulungu kahamoja na siye wose. Habali mweye moitenda wakulu wa mting'hano wa wanhu wa Mndewa Imulungu?”

Kupetigwa 9:22

Kamba wingu dahakala uchanha ya dihema kwa siku mbili hebu mwezi umoja hebu mwaka, Waizilaeli osigala mna ing'hambi, lakini dahasegesigwa na hewo vivija osegela.

Matayo 1:23

“Mhambe kogoga inda, na kolela mwana wa kimbigalo, nao omkema Imanueli,” fambulo jake, “Imulungu kahamoja na siye.”

Walumi 6:14

Nzambi sikuziwatawale kabili, kwavija mweye hamulongozigwa na Malagizo ga Musa, lakini molongozigwa na ng'hekewa ya Imulungu.

Walumi 8:1

Avo wanhu wose weli wa Yesu Kilisito honda watagusigwe kuwa wabananga.

2 Wakolinto 2:14

Lakini, Imulungu yagweleligwe nhogolwa, yotulongoza mna ikibumbila cha kudeng'helela kuhuma kubitila Kilisito na kubitila siye topwililisa kila hanhu usenga wa Kilisito kamba mnung'ho.

2 Wakolinto 5:19

Avo, kubitila Kilisito Imulungu kailumba na wanhu wa mwiisi, hagesile nzambi zao, katugwaa usenga wa kuwapetela wanhu wailumbe nayo.

2 Wakolinto 6:16

Vino Ng'anda ya Imulungu yoilumbaze na vinyago va imilungu? Avo siye twa Ng'anda ya Imulungu yeli mgima! Kamba viyalongile Imulungu mwenyego, “Nokala nao na kutembela hamoja nao. Niye nokuwa Imulungu wao, na wao okuwa wanhu zangu.”

Kumbukumbu 31:23

Abaho Mndewa Imulungu kamulagiza Yoshua, mwanage Nuni, kamulongela, “Ugangamale na uwe galu, kwavija kowagala Waizilaeli mwiisi iniiduwile kuwagwaa, na niye nokuwa hamoja na gweye.”

Kumbukumbu 32:5

Lakini mweye mswela kutamaniligwa kumwake, mweye siyo wanage mbuli ya nzambi zenu, mweye mwa ulelo wihile na upotele.

Kumbukumbu 33:5

Mndewa Imulungu kawa Mndewa wa Izilaeli, kipindi vilongozi wao viwaiting'hane, na makabila gose vigaiting'hane.”

Kumbukumbu 9:24

Mweye mmulema Mndewa Imulungu tangu siku viniwajuwile.

Wasemi 6:13

Gideoni kamulongela, “Go, mkulu, kamba Mndewa Imulungu kahamoja na siye, habali gano gose gatupata? Za kwahi mbuli zake za unzonza ziwatulongele iwahenga wetu, viwalongile, ‘Mndewa Imulungu ayo yatulavile mwiisi ya Misili.’ Lakini sambi Mndewa Imulungu katuleka na katugela mmakono ga Wamidiani!”

1 Samweli 25:28

Nokupula uzigele kumgongo mbuli zangu zihile niye msang'hanaji wako. Mndewa Imulungu kokutenda mndewa, na ulelo wako okuwa wandewa kwavija gweye go mkulu kuitowa ng'hondo ya Mndewa Imulungu. Siku zose za ugima wako sambi oneke na mbuli yoyose ihile.