Kupetigwa 23:10 - Biblia Kikutu

¹⁰ Nani yodaha kuwapeta wanhu wa Yakobo. Nani yodaha kugapeta mabumbila ga Izilaeli? Beta ifa yangu iwe kamba imoja wa awo iwanhu wa Imulungu, Beta niye nife kamba munhu yanogile mgameso ga Imulungu.”

Kupetigwa 23:10 ပူးပေါင်းရင်းမြစ်များ

Mwanduso 13:16

Nowatenda wanhu wa ulelo wako wawe wengi mbaka munhu sikuyadahe kuwapeta, kamba vija msanga, avo kamba hana munhu kodaha kuupeta msanga baho kodaha kuwapeta wanhu wa ulelo wako.

Mwanduso 22:17

nokutenda umwede na kuutenda ulelo wako uwe kamba nhondo za kuulanga na kamba msanga wa mwhani. Ulelo wako osola isi za wanhu wawehile,

Mwanduso 28:14

Ulelo wako omema kamba timbwisi da mwiisi na okwenela mwambu wa kudihongela zuwa na mwambu wa kudilawila zuwa, mwambu wa kasikazini na mwambu wa kusini. Kubitila gweye na ulelo wako ng'holo zose za mwiisi zomweda.

Zabuli 116:15

Ifa ya iwanhu omtamanila Mndewa Imulungu, siyo mbuli ndodo mgameso gake.

Zabuli 37:37

Muloleni imunhu yelibule kitala na imunhu yanogile, kwavija imunhu yodinogela tindiwalo kana siku nyingi za kukala ako kumwande.

Nongezi 14:32

Yosang'hana gehile konangigwa na gehile gake, lakini yeli na haki kana hanhu ha kukimbilila mwiiifa yake.

Kupetigwa 2:16

Iwanhu wose onda wawe mna ikibumbila cha Lubeni kamba viweli mna gamakabila gao okuwa laki moja na elufu hamsini na moja na magana nne na hamsini (151,450). Wano awo onda wasegele mmwanza wa kabili.

Kupetigwa 2:24

Iwanhu wose onda wawe mna ikibumbila cha Efulaimu kamba viweli mna gamakabila gao okuwa laki imoja na elufu nane na magana moja (108,100). Wano awo onda wasegele mmwanza wa kadatu.

Kupetigwa 2:31

Iwanhu wose onda wawe mna ikibumbila cha Dani kamba viweli mna gamakabila gao okuwa laki imoja na elufu hamsini na saba na magana sita (157,600). Kibumbila kino cha Dani chokuwa mmwanza wa ikimambukizo.

Kupetigwa 2:9

Iwanhu wose onda wawe mna ikibumbila cha Yuda kamba viweli mna gamakabila gao okuwa laki imoja na elufu semanini na sita na magana nne (186,400). Hewo awo onda walongole kusegela.

Kupetigwa 31:8

Mna iwanhu awo wakomigwe kukala na wandewa watano wa isi ya Midiani, wakala Evi na Lekemu na Suli na Huli na Leba. Vivija wamkoma Balaamu mwanage Beoli.

2 Wakolinto 5:1

Kwavija tojuwa kamba hema ino itukala sambi hano mwiisi, awo lukuli lwetu, dahabanangika Imulungu kotuvaza kae iyagwe ako kuulanga, kae ilibule uhelelo haizengigwe kwa makono ga wanhu.

Ugubulo 14:13

Abaho mhulika sauti kulawa kuulanga yolonga, “Yandika! Wamweda wanhu waja kulawa sambi ofa kuno wailumba na Mndewa!” Nayo Loho wa Imulungu kolonga, “Obwihila na magayo gao, kwavija gaja gawasang'hane gowakweleleza.”