Kupetigwa 22:7 - Biblia Kikutu

⁷ Avo vilongozi wa Moabu na Midiani wasola sente zilondigwa mbuli ya kuduwiliza, wasegela wachola kwa Balaamu. Viwavikile wamgwaa Balaamu usenga wa Balaki.

Kupetigwa 22:7 ပူးပေါင်းရင်းမြစ်များ

Kupetigwa 22:8

Balaamu kawalongela, “Kilo cha lelo muwase baha, na niye nowalongela gaja gonda yanongele Mndewa Imulungu.” Avo awo iwavele wa Moabu wakala na Balaamu.

Kupetigwa 23:23

Kuduhu uhawi kwa wanhu wa Yakobo, Kuduhu munhu yodaha kuwaloga Waizilaeli. Mbuli ya Izilaeli wanhu olonga, ‘Loleni unzonza uyatendile Imulungu!’

Kupetigwa 24:1

Avo, Balaamu kajuwa kamba Mndewa Imulungu kolonda kuwatambikila Waizilaeli, avo hacholile kabili kulagula ila kakala kolola kuluwala.

Walumi 16:18

Kwavija wose otenda kamba vivo hawamsang'hanila Mndewa wetu Kilisito, lakini osang'hana mbuli ya zinda zao. Kwa mbuli zao zaumulile na ulonzi wa kutewenza owavizila wanhu hawaujuwile uvizi awo choni.

Tito 1:11

Olondigwa wanyamale kulonga, kwavija owading'hula wanhu mzing'anda kwa kuwafundiza mbuli hazilondeke kufundizigwa, otenda vivo ili wapate sente.

Yoshua 13:22

Vivija Waizilaeli wamkoma mna ing'hondo Balaamu mwanage Beoli, ayo yakalile yolagula.

2 Petulo 2:15

Waileka nzila igoloke, wapotela na kukweleleza nzila yaikweleleze Balaamu, mwana wa Beoli ija yanogelwe kupata fungu kwa kutenda gehile,

Yuda 1:11

Wanhu awo ogaya! Kwavija wakweleleza mbuli ziyasang'hane Kaini. Mbuli ya kulonda sente waigala wenyego muimhome iija ya Balaamu. Walema kamba viyalemile Kola vivija na hewo onangigwa kamba viyanangigwe heyo.